बैंकले साधारण सभाका लागि जेठ १७ गतेदेखि २५ गतेसम्म सेयरधनी किताब बन्द गर्ने भएको छ । यसअनुसार जेठ १६ गतेसम्म कायम रहेका सेयरधनी सभामा सहभागि हुन पाउनेछन् ।
बैंकले साविकको एनआईडिसी डेभलपमेन्ट बैंकको कार्यालय दरबारमार्गमा दिउँसो १ बजे साधारण सभा आह्वान गरेको छ । साधारण सभामा बैंकले एनआईडिसीलाई प्राप्त गरेपश्चात बैंकको प्रबन्धपत्र तथा नियमावली संसोधन गर्ने प्रस्ताव गरेको छ ।
यसैगरि आव २०७३/७४ को बार्षिक प्रतिवेदन उपर छलफल गर्ने, नाफा नोक्सान हिसाव र नगद प्रवाह विवरण लगायतका वित्तीय विवरण उपर छलफल गरि पारित गर्ने र आव २०७४/७५ का लागि लेखापरिक्षक नियुक्त गर्ने रहेका छन् ।
एकीकृत बैंकको चुक्ता पूँजी ९ अर्ब ४७ लाख रुपैयाँ पुगेको छ भने बैंकको जगेडा कोष बढेर ८ अर्ब ३० करोड ५६ लाख रुपैयाँ सञ्चित भएको छ ।
बैंकको कुल सम्पति १ खर्ब ८२ अर्ब ८५ करोड ५७ लाख तथा निक्षेप एक खर्ब ५४ अर्ब १७ करोड र कर्जा परिचालन एक खर्ब १५ अर्ब ७३ करोड रुपैयाँ पुगेको छ।
बैंकको शाखा कार्यालय ९१ छन् । देशमा औद्योगिक विकास गर्ने उद्देश्यले वि.सं. २०१६ सालमा एन.आई.डि.सी र आर्थिक,सामाजिक क्षेत्रमा योगदान पु¥याउने उद्देश्यले राष्ट्रिय वाणिज्य बैंक वि.सं. २०२२ सालमा स्थापना भएका थिए ।