अध्यक्ष भट्टचनले प्रभु बैंकले ब्रान्डिङ र कारोबार बिस्तारमा जोड दिने बताए । अब हामी थप मर्जरमा जाँदैनौ तर कोही संस्थालाई किन्न परे पछि हट्दैनौ, उनले भने ।
सभामा बैंकका प्रमुख कार्यकारी अधिकृत अशोक शेरचनले राष्ट्र बैकंले तोके बमोजिमको चुक्ता पूँजी नपुगी वार्षिक साधारण सभाका लागि स्वीकृति नदिएकाले यो वर्ष साधारण सभाको लागि ढिलाई भएको प्रष्ट पारे । ४० प्रतिशत हकप्रद बिक्री पश्चात बैंकको चुक्ता पूँजी ८ अर्ब नाघेको उनले जानकारी दिए ।
बैंकको साधारण सभाले गत आर्थिक वर्षको एकीकृत वित्तीय विवरण पारित गरेको छ । त्यस्तै संचालकहरुको नियुक्ति अनुमोदन, प्रबन्ध पत्र तथा नियमावलीमा संशोधन गर्ने, डीडीए गर्ने प्रस्ताब, एक्विजजिशका लागि संचालक समितिलाई अख्तियारी दिने, डिबेन्चर तथा बण्ड जारी गर्ने लगायतका प्रस्ताबहरु पारित गरेको छ ।
चालू आर्थिक वर्षको तेस्रो त्रैमाससम्म बैंकले ८६ करोड ७१ लाख नाफा कमाएको छ । हाल बैंकका १ सय ४८ ओटा शाखा कार्यालय रहेका छन् । वाणिज्य बैंक नपुगेका ३१ वटा स्थानीय तहमा शाखा खोल्ने जिम्मा पाएको बैंकले १५ तहमा शाखा विस्तार गरेको जानकारी दिएको छ ।