प्रभु इन्स्योरेन्सले हकप्रद जारी गर्न आज (जेठ १४ गते) सेयरधनी किताब बन्द गरेकाले आइतबारसम्म कायम रहेका सेयरधनीले मात्र हकप्रद पाउनेछन् । प्रभु इन्स्योरेन्सले धितोपत्र बोर्डबाट बैशाख २७ गते १० बराबर ४.६ कित्ता अनुपातमा ३१ लाख ६६ हजार ६७७।६३ कित्ता हकप्रद सेयर निष्काशन गर्न स्वीकृती प्राप्त गरेको थियो ।
हकप्रद जारी गर्न प्रभु क्यापिटललाई विक्री प्रबन्धक तोकिएको छ । इन्स्योरेन्सले जारी गर्ने हकप्रद बिक्री पश्चात उसको चुक्ता पूँजी बीमा समितिले तोके बमोजिम एक अर्ब रुपैयाँ नाघ्ने भएको छ ।
कम्पनीको गत कात्तिक २१ गते सम्पन्न साधारणसभाले १९.२० प्रतिशत बोनस पश्चात ४६ प्रतिशत हकप्रद बिक्री गर्ने प्रस्ताव पारित गरेको थियो ।
हाल कम्पनीको चुक्ता पुँजी ६८ करोड ८४ लाख रुपैयाँ छ । हकप्रद बिक्रीपछि प्रभुको चुक्ता पुँजी १ अर्ब ५० लाख ७५ हजार रुपैयाँ पुग्नेछ ।
चालू आवको तेश्रो त्रैमासमा कम्पनीले १३ करोड ०८ लाख रूपैयाँ खुद नाफा कमाएर प्रतिसेयर आम्दानी १९ रूपैयाँ कायम गरेको छ ।