कम्पनीको सञ्चालक समितिको जेठ ११ गते शुक्रबार बसेको ४४८ बैठकले दरबारथोक बैंक्वेट बास्तोलाथर पोखरामा बिहान ८:३० बजे सभा आह्वान गरेको छ ।
सभामा फाइनान्स कम्पनीले ६ करोड २२ लाख रुपैयाँ बराबरको बोनश शेयर वितरण गर्ने प्रस्ताव पारित गर्नुका साथै संस्थापक समूहबाट सञ्चालक समितिमा प्रतिनिधित्व गर्ने ४ जना सञ्चालकको निर्वाचन कार्याक्रम समेत रहेको छ ।
फाइनान्सको अधिकृत, जारी र चुक्ता पुँजी बृद्धि गर्ने, लेखापरिक्षक नियुक्ती गर्ने लगायत सञ्चालकहरुको भत्ता एवं सुविधा वृद्धि गर्ने प्रस्तावमाथि छलफल गर्ने कार्यक्रम छ ।
कम्पनीले आर्थिक वर्ष २०७३/७४ को लेखापरीक्षण भएको वासलात, नाफा नोक्सान हिसाब, नाफा नोक्सान बाँडफाँड हिसाब, इक्वीटिमा भएको परिवर्तन सम्बन्धी विवरण र नगद प्रवाह विवरण एवं अनुसूचीहरुमा माथि छलफल गरी पारित गर्ने जनाएको छ ।
साधारण सभाको प्रयोजनको लागि जेठ २७ गते देखि असार ५ गते सम्म शेयरधनी दर्ता पुस्तिका बन्द गर्ने कम्पनीले जनाएको छ । यसअनुसार फाइनान्सको बोनस प्राप्त गर्न जेठ २६ गतेसम्म सेयरधनी कायम भइसक्नुपर्नेछ ।
७५ करोड ४१ लाख रुपैयाँ चुक्ता पूँजी रहेको पोखरा फाइनान्सको बोनसपश्चात ८१ करोड ६४ लाख ४९ हजार रूपैयाँ पूँजी पुग्नेछ । कम्पनीले चालु आर्थिक वर्षको तेस्रो त्रैमासमा ६ करोड ५३ लाख रुपैयाँ खुद नाफा कमाएको छ ।