सञ्चालक समितिका अध्यक्ष अजय विक्रम शाहले उद्घाटन गरेको कार्यक्रम तीनदिन सम्म सञ्चालन हुनेछ । कार्यक्रममा सञ्चालक समितीका सदस्यहरु, ब्यवस्थापन समुह र ५९ जना शाखा प्रमुखहरुको उपस्थितिमा रहेको छ ।
संस्थाका प्रमुख कार्यकारी अधिकृत प्रकाशराज शर्माले यसै अवसरमा संस्थाले यस आ.व.२०७४/०७५ को बैशाख मसान्त सम्ममा हासिल गरेको प्रगती विवरण पेश गर्नुको साथै नेपालमा लघुवित्त क्षेत्रको योगदान, चुनौती र आगामी दिनको कुशल रणनीतिको सम्बन्धमा प्रकाश पारेका छन् ।
महाराजगञ्जमा केन्द्रीय कार्यालय रहेको यस संस्थाले, लक्ष्मी बैँकको सहायक कम्पनीको रुपमा स्थापित राष्ट्रियस्तरको “घ” वर्गको लघुवित्त वित्तीय संस्थाको रुपमा आफ्नो कारोबार संचालन गर्दै आएको छ ।
यस वित्तीय संस्थाले बैशाख मसान्त २०७५ सम्ममा ४३ वटा जिल्लामा आफ्नो कारोबार संजाल बिस्तार गरि ग्रामीण, पिछडिएको, बैकिङ्ग पहुँचबाट टाढा रहेका ग्राहक वर्गहरुलाई लक्षित गर्दै ६७ हजार ग्राहक वर्गलाई लघुवित्त कार्यक्रममा समेटेको छ ।
सदस्यहरुबाट ८८ करोड ४८ लाख रुपैयाँ बचत संकलन गरेको संस्थाले २ अर्ब ६६ करोड उठाउन बाँकी कर्जा रहेको छ । बैशाख मसान्त सम्ममा लघुवित्तले ७ करोड ८५ लाख रुपैयाँ खुद मुनाफा आर्जन गर्न सफल भएको जनाएको छ ।
संस्थाले बचत र कर्जा बाहेक लघुवीमा, विप्रेषण, आधुनिक मोबाईल बैँकिङ्ग सेवा र शाखा रहित बैँकिङ्ग कारोबार संचालन गर्दै आइरहेको छ ।