पूँजी बजारलाई भ्याट मुक्त गर्ने नीति सकारात्मक, लाभकर बृद्धि नकारात्मक:चेम्बर

May 31, 2018 Merolagani

नेपाल चेम्बर अफ कमर्सले आर्थिक बर्ष २०७५/७६को वजेटले पूँजी बजारलाई भ्याट मुक्त गर्ने नीति सकारात्मक रहेको बताएको छ । तर पूँजीगत लाभकर बृद्धिले सेयर बजारमा नकारात्मक असर परेको चेम्बरको भनाई छ ।

विहीबार चेम्बरले प्रेस विज्ञप्ति जारी गर्दे सरकारको नीति तथा कार्यक्रमले आगामी अािर्थक बर्षलाई समृद्धिको आधारबर्षको रुपमा लक्षित गरिएको सन्दर्भमा बजेट सन्तुलित रहेको बताएको छ ।

तर पँजीगत खर्च बढाउने उपाय छिटो लागु नभएमा ८ प्रतिशतको आर्थिक वृद्धिको लक्ष्य भेटाउन र ६.५ प्रतिशतमा मुद्रास्फीति कायम गर्न चुनौती रहेको पनि उसको ठहर छ ।

वजेटले न्यूनतम १७२ अर्ब आन्तरिक ऋण व्यहोर्ने कुराको हल्लाले बजारमा तरलता अभाव अझै चुलिन गई बैंक ब्याजदर बढ्ने चिन्ता समेत व्यक्त गरेको छ ।

चेम्बरले औधोगीक क्षेत्र विशेष आर्थिक क्षेत्र उद्योग ग्राम खोल्ने, निर्यातमा अनुदान बढाउने कुरा सकारात्मक रहेको भन्दै अ‍ौद्योगीक क्षेत्रको उत्पादन बृद्धि गरि प्रतिस्पधी बनाउनु पर्नेमा जोड दिएको छ ।

करको दायरा बढाउन शुल्क, जरिवाना मिनाहा गर्ने व्यवस्था स्वागत योग्य रहेको उल्लेख गर्दे उद्योग व्यवसाय क्षेत्रमा प्रशस्त कार्यक्रम नआएको गुनासो गरेको छ ।

comments powered by Disqus

बलियो पूँजी आधार निमार्ण गरेको इन्भेष्टमेन्ट बैंकको उत्साहजनक प्रगति

Aug 14, 2018

पूँजी आधार निरन्तर बलियो बनाउँदै लगेको नेपाल ईन्भेष्टमेन्ट बैंक(NIB) ले गत आर्थिक बर्षको चौथो त्रैमासको उत्साहजनक प्रगति विवरण प्रस्तुत गरेको छ । १५ प्रतिशत बढीले चूक्ता पूँजी बढाएको बैंकले २६ प्रतिशत नाफा बढाएर प्रतिशेयर आम्दानी ३७ रुपैयाँ कायम गरेको छ ।