शुक्रबार संसदमा जारी बजेट छलफलमा बोल्दै पूर्व प्रधानमन्त्री भट्टराईले साना बचतकर्तालाई पूँजी बजारमा आउन र लगानी गर्न कुनै बन्देज लगाउन नहुने धारणा राखे ।
डा. भट्टराईले भने, 'तर यहाँ पूँजीगत लाभकर बढाएर ५ प्रतिशतबाट ७.५ प्रतिशत पुर्याइएको छ । अर्कोतर्फ उल्टो ब्रोकर कमिसनमा भ्याट हटाइएको छ । यो के गर्न खोजेको हो ? पूँजीगत लाभकर नलगाए पनि हुन्छ भन्ने मेरो भनाई हो ।'
साथै उनले बजेटले निजी क्षेत्रलाई लगानी गर्न र नाफा कमाउनबाट कुण्ठित गरेको आरोप समेत लगाए ।
नाफा कमाऊ कर तिर भन्ने नारा भए मात्र पुग्छ, कुनै पनि नाफामा अनावश्यक बन्देज लाउनुपर्ने आवश्यकता छैन । शिक्षा र स्वास्थ्य क्षेत्रलाई निजीकरणमा लाने प्रतिगामी बाटो बजेटले लिएको छ । समाजवाद उन्मुख बजेट भनिएपनि न हाँसको न कौवाको चाल भएको उनको टिप्पणी छ ।