बोर्डको स्वीकृती प्राप्त गरेसँगै स्वरोजगार (SLBBL) ले एनएमबि क्यापिटल मार्फत १२ लाख २४ हजार ९७७ दशमलव ६० कित्ता हकप्रद सेयर बिक्री गर्नेछ ।
१२ करोड २४ लाख ९७ हजार रुपैयाँ चुक्ता पूँजी स्वरोजगारको हकप्रद बिक्री पश्चात २४ करोड ४९ लाख ९४ हजार रुपैयाँ पुग्नेछ । चालु आर्थिक वर्षको ९ महिना अवधिमा स्वरोजगारले २ करोड ६६ लाख रुपैयाँ खुद नाफा कमाएर प्रतिसेयर आम्दानी २९ रुपैयाँ ०५ पैसा कायम गरेको छ ।
उता समता माइक्रोफाइनान्सले एनआईबिएल एस क्यापिटल मार्फत चुक्ता पूँजीको ५० प्रतिशत हकप्रद सेयर बिक्री गर्नेछ । कम्पनीले एक लाख ८९ हजार ६०० कित्ता हकप्रद सेयर बिक्री गर्न लागेको हो ।
तीन करोड ७९ लाख ३० हजार रुपैयाँ चुक्ता पूँजी रहेको समताको ५० प्रतिशत हकप्रद निष्काशन पश्चात पाँच करोड ६८ लाख ८० हजार रुपैयाँ पुग्नेछ । चालू आवको ९ महिनासम्ममा कम्पनीले ५६ लाख ७१ हजार खुद नाफा कमाएर प्रतिसेर आम्दानी १९ रुपैयाँ ९४ पैसा कायम गरेको छ ।
स्वरोजगारको सेयरमूल्य प्रतिकित्ता १८७० रुपैयाँ र समताको ११८९ रुपैयाँ रहेको छ ।
