कम्पनीले एक बराबर एक अनुपातमा ४ लाख ५० हजार कित्ता हकप्रद सेयर निष्काशन गर्न जेठ १८ गते शुक्रबार सेयरधनी किताब बन्द गरेको थियो । समायोजित मूल्यलाई आधार मानेर आइतबार कम्पनीको सेयर कारोबार सुरू भयो ।
आन्तरिक राजश्व विभागले आइतबारदेखि बोनस र हकप्रदमा अंकित मूल्यमा लाभकर असुल्न निर्देशन दिएपश्चात नेप्सेले मिर्मिरे माइक्रोफाइनान्सको औसत आधार मूल्य निर्धारण गर्न नपर्ने भएको छ ।
यसअघि बोनस र हकप्रद पश्चात समायोजित मूल्य सँगै १८० दिनको कारोबारको औसत आधारमूल्य निर्धारण गरिँदै आएको थियो ।
चार करोड ५० लाख रुपैयाँ चुक्ता पूँजी रहेको मिर्मिरेले चालू आवको ९ महिना अवधिमा दुई करोड १२ लाख रुपैयाँ खुद नाफा कमाएर प्रतिसेयर आम्दानी ६२ रूपैयाँ ८६ पैसा कायम गरेको छ ।
