सोमबार नेप्से परिसूचक ५.११ अंकले घटेर १२६८.८४ अंकमा झरेको छ । कारोबारमा आएको अन्य समूहको उप समूह बाहेक सबै उप समूह घटेका छन् । बीमा सबैभन्दा बढी ६५ अंकले घटेको छ । व्यापार सबैभन्दा कम २ अंकले घटेको छ ।
यसदिन १५७ कम्पनीको १० लाख ७१ हजार ८६१ कित्ता सेयर ४२ करोड ४४ लाख रुपैयाँमा खरिद विक्री भएको छ । मेगा बैंकको एक लाख ९५ हजार ७३७ कित्ता सेयर तीन करोड ४९ लाख रुपैयाँमा कारोबार भएको छ ।
त्यसैगरि नेपाल बैंकको दुई करोड ३३ लाख, राष्ट्रिय बीमा कम्पनी, नेपाल लाईफ इन्भेष्टमेन्ट बैंक, साना किसान लघुवित्त, राष्ट्रिय बीमा संस्थापक, शिखर इन्स्योरेन्स, सानिमा र एभरेष्ट बैंकको पनि एक करोड रुपैयाँ बढीको सेयर कारोबार भयो ।
यसदिन खानीखोला हाइड्रोपावर कम्पनीको सेयरमूल्य सबैभन्दा बढी ७ प्रतिशतले बढेको छ । नेपाल टेलिकमर ग्लोबल आईएमई समुन्नत स्कीमका लगानीकर्ताले ४ प्रतिशत बढीले कमाएका छन् ।
ग्लोबल आईएमइ लघुवित्तको सेयरमूलय सबैभन्दा बढी ७.प्रतिशतले ओरालो लाग्दा मेरो माइक्रोफाइनान्स,ङादी ग्रुप पावर र एनआईसी एशिया ग्रोथ फण्डको सेयरमूल्य ५ प्रतिशत बढीले झरेको छ ।
बजार झरेपछि लगानीकर्ताकाे सम्पत्ति मापन गर्ने सेयर बजार पूँजीकरण १४ खर्ब ९६ अर्बमा खुम्चिएकाे छ ।
