सरकारले मंगलबार अर्थ मन्त्रालयका सह-सचिव उत्तर कुमार खत्रीकाे संयाेजकत्वमा अध्ययन समिति गठन गरेकाे हाे । अान्तरिक राजश्व विभागका महानिर्देशक, राजश्व महाशाखा प्रमुख, धिताेपत्र बाेर्ड, नेप्से, सिडिएससीकाे प्रमुख रहने गरि समिति गठन भएकाे हाे ।
समितिले लाभकरका विषयमा १५ दिनभित्र अध्ययन प्रतिवेदन बुझाउने सह-सचिव उत्तर कुमार खत्रीले मेराेलगानीलार्इ बताए ।
सोमबार आंशिक रुपमा सेयर कारोबार ठप्प पारेका लगानीकर्ताले मंगलबार पुरै कारोबार ठप्प पारे पश्चात अर्थले कार्यदल गठन गरि सोही कार्यदल मार्फत लगानीकर्ताको समस्या समाधान गर्ने प्रयत्न थालेको हो ।
सोमबार एक टेलिभिजन कार्यक्रमलाई अन्तवार्ता दिँदै अर्थमन्त्रीले बढाइएको लाभकरमा अन्योलता उत्पन्न भएको प्रतिकृया आफुले आइतबारको सेयर बजारबाट पाएको र त्यस विषयलाई कसरी मिलाउनुपर्ने हुन्छ त्यसरी मिलाउने बताएका थिए ।
लाभकरकाे विषय पेचिलाे बन्ने देखिएपछि अर्थमन्त्रीले यसलार्इ टुङ्ग्याउन मातहातमा निर्देशन दिएका थिए ।
अर्थमन्त्रीको निर्देशनपछि मंगलबार अर्थ मन्त्रालय लाभकरको विषयलाई कसरी छिटो सम्बोधन गर्ने भन्ने विषयमा जुटेको हाे । आन्तरिक राजश्व विभाग र लगानीकर्ताको संघबीच सोमबार एक चरणको छलफलपछि भएपनि सो वार्ता बिना निष्कर्ष टुङ्गिएको थियो ।
आन्तरिक राजश्व विभागले जेठ १८ गते नेपाल धितोपत्र बोर्ड, नेपाल स्टक एक्सचेञ्ज र सिडिएस एण्ड क्लियरिङ्ग हाउसलाई पत्राचार गर्दे बोनस र हकप्रद सेयर कारोबारमा अंकित चुक्ता मूल्यमा नै अग्रिम कर असुली गर्न निर्देशन दिएको थियो ।
आइतबार देखि त्यसको कार्यान्वयन गर्न सिडिएससीले सेयर दलालहरुलाई पत्राचार गरेपश्चात जेठ २० गतेदेखि घाटामा पनि सरकारले कर असुल्न थालेको भन्दै आन्दोलनमा उत्रिएका थिए ।