सिबिआईएल क्यापिटलले तीन करोड रुपैयाँ बराबरको ३ लाख कित्ता साधारण सेयर जारी गर्न लागेको हो । साधारण सेयर जारी गर्न कम्पनीले नेपाल एसबिआई मर्चेन्ट बैंकिङ्गलाई बिक्री प्रबन्धक चयन गरेको छ ।
त्यसैगरि जारी पूँजी दुई अर्ब १० करोड रूपैयाँ रहेकाे युनिभर्सल पावर (UPCL) ले ४६ प्रतिशत बराबरको साधारण सेयर जारी गर्न लागेको हो । कम्पनीले ९६ करोड ६१ लाख रुपैयाँ बराबरको ९६ लाख ६१ हजार ६१० कित्ता सेयर निष्काशन गर्न अनुमति मागेको हो । साधारण सेयर जारी गर्न युनिभर्सलले सिद्धार्थ क्यापिटललाई बिक्री प्रबन्धक नियुक्ति गरेको छ ।
दोलखामा ११ मेगावाट क्षमताको तल्लो खारेखोला आयोजना निर्माण गरिरहेको युनिभर्सलले गत माघ ११ गते सम्पन्न विशेष साधारण सभा मार्फत साधारण सेयर जारी गर्ने प्रस्ताव पारित गरेको थियो ।
निष्काशन हुने सेयरमध्ये १० प्रतिशत आयोजना प्रभावित लागि निष्काशन हुनेछ भने बाँकी सेयर संस्थाका कर्मचारी, म्युचुअल फण्ड र सर्वसाधारणलाई सेयर निष्कासन हुनेछ ।
कम्पनीमा ८८ प्रतिशत स्वामित्व सीईडीबी हाइड्रो फण्ड लिमिटेडको छ । आयोजना बनाउन २ अर्ब ४ करोड रुपैयाँ लाग्ने अनुमान गरिएको ११ मेगावाटको तल्लो खारे खोलाको निर्माण कार्य तिब्र गतिमा भइरहेको कम्पनीले जनाएकाे छ ।
