लघुवित्तले बैशाखमा नै परिपत्र गरेर रकम जम्मा गर्न भने पनि केही सेयरधनीले अझैसम्म नबुझाएकाले कम्पनीले जनाएकाे छ । त्यस्ता सेयरधनीले जेठ ३१ गतेसम्ममा एभरेष्ट बैंक सिमरामा रहेको समता माईक्रोफाइनान्सकाे खाता नम्बर ००७००१०५२००३४६ मा रकम जम्मा गर्न भनेको छ ।
धितोपत्र बोडको धितोपत्र निष्काशन तथा बाँडफाँड निर्देशिका अनुसार सञ्चालक तथा चुक्ता पूँजीको एक प्रतिशत बढी सेयर धारण गर्ने सेयरधनीले हकप्रद बिक्री खुल्ला गर्नु पुर्व यस्तो रकम बुझाउनुपर्ने व्यवस्था छ ।
कर्जा सूचना केन्द्रकाे कालाे सूचीमा परेका सेयरधनीले भने हकप्रद भर्न नपाउने लघुवित्तले जनाएकाे छ ।
लघुवित्तको गत मंसिर १६ गते सम्पन्न चौथो बार्षिक साधारण सभाले २ बराबर १ कित्ताको अनुपातमा एक करोड ८९ लाख ६० हजार रुपैयाँको हकप्रद जारी गर्ने प्रस्ताव पारित गरेको थियो । सो हकप्रद धितोपत्र बोर्डबाट जेठ १८ गते स्वीकृत भएको थियो ।
लघुवित्तले २० प्रतिशत बोनस पश्चात कायम चुक्त्ता पूँजी तीन करोड ७९ लाख २० हजार रुपैयाँ ५० प्रतिशत हकप्रद जारी गर्न लागेको हो । हकप्रद पश्चात लघुवित्तकाे ५ कराेड ६८ लाख ८० हजार रूपैयाँ चुक्त्ता पूँजी कायम हुनेछ ।
