नेप्सेले मिमिरे माइक्रोफाइनान्सको औसत आधारमूल्य एक हजार ९१९ रुपैयाँ ३५ पैसा, आएसडिसी लघुवित्तको ७८१ रुपैयाँ ३८ पैसा र जेविल्स फाइनान्सको १३८ रुपैयाँ ५७ पैसा आधार मूल्य निर्धारण गरेको हो ।
कम्पनीहरुको नेप्सेमा कारोबार भएको १८० दिनको सेयरमूल्यका आधारमा औसत आधारमूल्य निर्धारण गरिने गरिएको छ ।
आन्तरिक राजश्व विभागले हकप्रद र बोनस सेयरमा अंकित मूल्यमा नै लाभकर गणना गर्ने निर्देशन दिएपश्चात नेप्सेले एक साथ तोक्ने गरेको समायोजित मूल्य र औसत आधारमूल्यमा यस साता औसत आधारमूलय तोक्न नपर्ने भन्दै समायोजित मूल्य मात्र तोकेको थियो ।
बुधबार विभागको पत्र स्थगनसँगै विहीबार नेप्सेले तीनवटै कम्पनीको औसत आधारमूल्य निर्धारण गरेको हो । नेप्सेमा आरएसडिसीको ६० र जेविल्स फाइनान्सको ४० तथा मिर्मिरेको शतप्रतिशत हकप्रद सेयर पश्चात मूल्य समायोजन भएको थियो ।