लक्ष्मी बैंकले साधारण बचततर्फ ६ देखि ८ प्रतिशतसम्मको व्याजदर सार्वजनिक गरेको छ भने मुद्धती निक्षेपमा ११.५ प्रतिशतसम्म व्याज दिने प्रस्ताव गरेको छ ।
आधार व्याजदर ११.३५ प्रतिशत रहेको लक्ष्मीले न्युनतम ३ देखि ६ प्रतिशत प्रिमियम थप गरेर कर्जा परिचालन गर्ने जनाएको छ ।
उता माछापुच्छ्रे बैंकले मुद्धती निक्षेपमा नयाँ व्याजदर सार्वजनिक गर्दै ११.५ प्रतिशतसम्म पुर्याएको छ । बैंकले ९ महिनादेखि २ वर्ष अवधिको मुद्दति निक्षेपमा १२प्रतिशत तथा २ वर्ष भन्दा बढी अवधिको लागि ११ प्रतिशत र ९ महिनासम्मका लागि ११.५ प्रतिशत व्याज दिने भएको हो ।
यस अघि कुमारी, प्राइम, एनआइसी एसिया, सिभल, र सेन्चुरी बैंकले व्याजदर बढाईसकेका छन् । व्याजदर घट्ने आशमा रहेका आम मानिस व्याजदर एकाएक बढ्न थाले पछि चिन्तित बनेका छन् ।