म्यादी जीवन बीमाबाट दुई अर्व बीमा शुल्क संकलन, ७४ करोड दाबी भुक्तानी

Jun 17, 2018 Merolagani

बैदेशिक रोजगार (म्यादी) जीवन बीमा अर्न्तगत बीमा कम्पनीहरुले २ अर्ब ४ करोड ९ लाख रुपैयाँ बीमा शुल्क संकलन गरेका छन् । बीमा कम्पनीहरुले नौ महिनामा ४ लाख ५३ हजार ७ सय जनाबाट उक्त रकम आर्जन गरेको बीमा समितिले जनाएको छ ।

समितिले सार्वजनिक गरेको तथ्याङ्क अनुसार यस अवधिमा बीमा कम्पनीहरुले ७४ करोड ७३ लाख ७ हजार ४१९ रुपैयाँको दाबी भुक्तानी गरेका छन् ।

बीमा कम्पनीहरुले मृत्यु दाबी अर्न्तगत ६७८ दाबीवाट ५२ करोड ५२ लाख भुक्तानी गरेका छन् । गतआर्थिक वर्षमा ९६२ दाबीवाट ६५ करोड १० लाख बराबरको दाबी भुक्तानी गरेका थिए ।

यस्तै स्थायी अंगभंगको १२६ दाबीका लागि ३ करोड ६५ लाख ३५ हजार ८३१ रुपैयाँको दाबी रहेका छन् ।

विदेशमा मृत्यु भएका बीमितको शव स्वदेश ल्याउनको लागि २ करोड १२ लाख ३ हजार २१९ रुपैयाँ, किरिया खर्चको लागि ५ करोड २२ लाख ५० हजार रुपैयाँ, औषधोपचारको लागि ७२ लाख ६८ हजार ३६८ रुपैयाँको दाबी भुक्तानी बीमा कम्पनीहरुले गरेका छन् ।

comments powered by Disqus

हरेक नेपालीलार्इ शेयरधनी बनाउन ३५०० मेगावाटका आयोजना निर्माण गर्दै सरकार

Sep 25, 2018

सरकारले हरेक नेपाली नागरिकलाई जलविद्युत् आयोजनाको शेयरधनी बनाउने लक्ष्यका साथ तीन हजार ५०० मेगावाट क्षमताका जलविद्युत् आयोजना निर्माणको प्रक्रिया शुरु गर्ने भएको छ।‘नेपालको पानी, जनताको लगानी’ मूल नाराका साथ सबै नेपालीलाई लगानीकर्ता बनाउने र दीर्घकालीन रूपमा आर्थिक उपार्जनको माध्यम बनाउने लक्ष्यका साथ उक्त अवधारणा अगाडि सारिएको हो।