कम्पनीले पहिलो चरणमा पाँचथरका आयोजना प्रभावित स्थानीय बासिन्दाका लागि आईपिओ निष्कासन गर्नेछ । कम्पनीको सेयर निष्कासन तथा बिक्री प्रवन्धकमा सिद्धार्थ क्यापिटल लिमिटेड रहेको छ ।
स्थानीयलाई शेयर जारी गरेर बाँडफाँड गरेपछि कम्पनीले दोस्रो चरणमा आम सर्वसाधारणलाई शेयर जारी गर्ने जनाएको छ । कम्पनीले स्थानीय र सर्वसारणलाई गरेर २५ करोडको आइपिओ बिक्री गर्ने भएको छ ।
कम्पनीले पाँचथरमा २१.६ मेगावाटको तल्लो हेवाखोला आयोजना सम्पन्न गरेको छ । करिब दुई वर्ष अगाडी यो प्रोक्जेक्ट ३ अर्ब ६० करोड रुपैयाँ लागतमा निमार्ण शुरु गरिएको भएपनि लागत बढेर चार अर्ब नाघ्ने आँकलन गरिएको छ ।
पाँचथरको फिदिम गाविसमा रहेको यो आयोजनामा हेवा र फेमे खोलाको पानी प्रयोग गरिएको छ । कम्पनीको प्रतिमेगावाट उत्पादन लागत १७ करोड ९० लाख रुपैयाँ रहेको छ । २०७१ मा कम्पनी र विद्युत् प्राधिकरणबीच विद्युत् खरिद सम्झौता भइसकेको छ ।
इक्रा नेपालले कम्पनीको सेयरलाई ग्रेड फोर रेटिङ दिएको छ । यसले कम्पनीको आधारभुत पक्ष औसतभन्दा कमजोर रहेको संकेत गर्छ ।
