बैंकले जेष्ठ मसान्तसम्म १९ अर्ब ५० करोड निक्षेप संकलन गरी १७ अर्ब ५० करोड कर्जा लगानी गरेको छ । न्यूरोड शाखा संचालनमा आएपछि बैंकको शाखा संख्या ५३ पुगेको छ ।
त्यस्तै बैकमा कर्मचारी संख्या ४२६, ग्राहक संख्या करिब २ लाख ३५ हजार, एटिएम संख्या १७ रहेको र बिकास बैंकहरुमध्ये शाखारहित बैकिङ सेवा प्रदान गर्ने पहिलो बिकास बैंक भएको बैंकका प्रमुख कार्यकारी अधिकृत बिश्व मोहन अधिकारीले बताए ।
कार्यक्रममा बैंकका सञ्चालक समितिका अध्यक्ष सुशील कुमार गोशलीले बैंकले जर्मनीको केएफडब्लु बैंकसंग साना तथा मझौला कर्जा अन्तर्गत २ लाख देखी ४० लाखसम्मको कर्जा लगानी गरिरहेको, ग्राहकहरुलाई निशुल्क सि–आश्वा सेवा प्रदान गरिरहेको, बिना धितो १५ लाख सम्म प्रोफेशनल कर्जा प्रदान गर्दै आईराखेको र भविष्यमा बिभिन्न आधुनिक बैंकिङ सेवा प्रदान गर्दै जाने ब्यहोरा जानकारी गराए ।
