बुधबार साँझसम्म एनएमबिको एफपिओमा करिब ५६ हजार ५ सय आवेदकबाट २ अर्ब २१ करोड बढीको आवेदन परेको नागरिक लगानीकोषले जनाएको छ । जसमध्ये संस्थागत लगानीकर्ताले १८ करोड बराबरको आवेदन गरेका छन् ।
बुधबारसम्म सानिमा लाइफ,प्राइम लाइफ, हिमालयन जनरल इन्स्योरेन्स, युनाइटेड इन्स्योरेन्स, एनआइबिएल क्यापिटल र लक्ष्मी क्यापिटल लगायतका ४२ संस्थागत लगानीकर्ताले आवेदन गरेको नागरिक लगानीकोषका रोशनजंग कार्कीले बताए ।
बुधबारसम्म बैंकको ५८ प्रतिशत एफपिओ बिक्री भएको छ । यसबीचमा ६६ लाख ३६ हजार कित्ताका लागि आवेदन परेको छ । अझै बैंकको ४७ लाख ७९ हजार कित्ता बिक्री हुन बाँकी छ । ैंकले एक सय रुपैयाँ अंकित मूल्यमा २३३ रुपैयाँ प्रिमियम थपेर प्रतिकित्ता ३३३ रुपैयाँ दरको एक करोड १४ लाख १५ हजार १६३ कित्ता एफपिओ निष्काशन गरेको हो ।
जेठ ३० गतदेखि निष्काशन भएको एफपिओमा सर्वसाधारण लगानीकर्ताबाट मात्रै आवश्यक आवेदन नपरेपछि सोमबारदेखि संस्थागत लगानीकर्तालाई समेत बिक्री खुला गरिएको हो ।
धितोपत्र बोर्डले संस्थागत लगानीकर्ताले आवेदन गर्न पाउने अधिकतम सीमाको बन्देज हटाएपछि बैंकको शेयरमा ठुलो संख्याको आवेदन समेत पर्न थालेको हो । बोर्डले कुल निष्काशनको ०.५ प्रतिशतको अधिकतम सीमा हटाएर ५० लाख कित्तासम्म आवेदन गर्न पाउने व्यवस्था गरेको थियो ।
बबैंकको एफपिओमा ढिलोमा असार २८ गतेसम्म आवेदन गर्न पाइने व्यवस्था छ ।
बुधबार शेयरबजारमा एनएमबि बैंकको शेयर प्रतिकित्ता ३५१ रुपैयाँ हाराहारीमा कारोबार भयो ।