व्याजदरमा लगाम लगाउन बैंकहरुले फेरि गरे यस्तो सहमति, संस्थागत निक्षेपमा कडाई

Jun 21, 2018 Merolagani

नेपाल बैंकर्स संघले व्याजदरका सम्बन्धमा भएको सहमति हटाउने भनी गरेको निर्णय फेरी उल्ट्याएको छ । बैंकहरुका बीचमा व्याजदरको अस्वस्थ प्रतिष्पर्धा सुरु भएको र यसले वित्तीय प्रणालीलाई नै समस्यामा पार्ने भन्दै संघले व्याजदरका सम्बन्धमा फेरि सहमति गरेको हो ।

यस अघि साधारण बचतमा ८ प्रतिशत र मुद्धतीमा ११ प्रतिशतभन्दा माथिको व्याजदर कार्यान्वयन नगर्ने भद्र सहमति संघले खारेज गरेको थियो । त्यस लगत्तै बैंकहरुले संस्थागत निक्षेपमा १४ प्रतिशतसम्मको व्याजदरमा निक्षेप तान्ने होड सुरु गरेका थिए । यसले समस्या निम्त्याउन सक्ने भन्दै राष्ट्र बैंक तथा अर्थमन्त्रालयले चासो देखाएपछि संघले फेरी व्याजदरको थ्रेसहोल्ड निर्धारण गरेको हो ।

मेरोलगानीसँग कुरा गर्दै बिहीबारको संघको बैठकमा सहभागि एक बैंकका प्रमुख कार्यकारी अधिकृतले भने, यस अघि साधारण बचतमा ८ प्रतिशतको थ्रेसहोल्ड रहेकोमा अब त्यसलाई ७ प्रतिशतमा झारिएको छ । मुद्धतीमा भने पहिलेको अनुसार ११ प्रतिशतभन्दा माथि नजाने सहमति भएको छ ।

उनका अनुसार संस्थागत निक्षेपकर्तालाई बैंकहरुले अब साढे १० प्रतिशत मात्र ब्याज बितरण गर्ने छन् । यस अघि संस्थागत निक्षेपलाई ११.१५ प्रतिशतसम्म व्याज दिने सम्झौता भएको थियो । अहिले त्यसलाई घटाइएको हो । 

व्यक्तिगत निक्षेपमा बैंकहरुले बढिमा ११ प्रतिशत मात्र व्याज दिने सहमति भएको उनले जानकारी दिए । उनका अनुसार बैंकहरुका बीचमा व्याजको भुक्तानी त्रैमासिक रुपमा मात्र भुक्तान गर्ने सम्झौता भएको छ ।

उनका अनुसार २८ वटै बैंकका प्रमुख कार्यकारी अधिकृत सहभागि रहेको बैठकमा केही दिन अघि बैंकहरुले निकालेको नयाँ व्याजदर संघको सहमति अनुसार तत्काल परिमार्जन गर्ने प्रतिबद्धता पनि बैंकहरुले जनाएका छन् ।

comments powered by Disqus

स्वावलम्बन लघुवित्तले साढे १० करोडको एफपिओ जारी गर्ने

Dec 17, 2018

स्वावलम्बन लघुवित्त वित्तीय संस्था (SWBBL) ले साढे १० कराेडकाे एफपिअाे निष्काशन गर्ने भएकाे छ। लघुवित्तमा हाल कायम रहेको संस्थापक र सर्वसाधारणको पूँजी अनुपात ७०ः३० लाई परिवर्तन गरी ५१ः४९ कायम गर्न एफपिओ निष्काशनका साथै ६ कराेड ६० लाखकाे संस्थापक शेयरलाई पनि साधारणमा रुपान्तरण गर्ने भएको हाे ।