फाइनान्सले एक बराबर २.८१ अनुपातमा ५९ करोड एक लाख रुपैयाँ बराबरको ५९ लाख एक हजार कित्ता हकप्रद निष्काशन गर्न अनुमति प्राप्त गरेको हो । यससँगै कम्पनीले सेयरधनी किताब बन्द गरेर हकप्रद निष्काशन गर्ने मिति तोक्नेछ । सनराइज क्यापिटलको बिक्री प्रबन्धकत्वमा फाइनान्सले हकप्रद जारी गर्न लागेको हो ।
राष्ट्र बैंकले तोकेको न्यूनतम ८० करोड चुक्तापूँजी पुर्याउन दिएको निर्देशनमा फाइनान्स कम्पनीले एकैपटक भारी मात्रामा हकप्रद जारी गरेको हो । फाइनान्सको गत जेठ २ गते सम्पन्न विशेष साधारणसभाले २८१ प्रतिशत हकप्रद सेयर बिक्री गर्ने प्रस्ताव पारित गरेको थियो ।
कम्पनीको हाल कायम २१ करोड रुपैयाँ चुक्ता पूँजी छ हकप्रदपछि ८० करोड १० लाख रुपैयाँ चुक्ता पूँजी नाघ्नेछ । बिहीबार कम्पनीको सेयर प्रतिकित्ता १५० रुपैयाँमा कारोबार भएको छ ।
चालु आर्थिक वर्षको तेस्रो त्रैमाससम्म फाइनान्स ९७ लाख ११ हजार रुपैयाँ खुद नोक्सानीमा छ ।
