यस क्रममा शुक्रबार २० वाणिज्य बैंकहरुले नयाँ व्याजदर सार्वजनिक गरेका छन् । बैंकहरुले बचत र मुद्दतीको नयाँ ब्याजदर सार्वजनिक गर्दै शिर्षक अनुसारका व्याजदरहरु घोषणा गरेका छन् । अधिकांस बैंकहरुले संघको निर्णय अनुसार साधारण बचतमा बढीमा ७ तथा मुद्धती बचतमा ११ प्रतिशतसम्मको व्याजदर सार्वजनिक गरेका हुन् ।
बैंक अफ काठमाण्डूले साधारण बचतमा साढे ३ देखि साढे ५ प्रतिशत मात्र व्याज दिने प्रस्ताव गरेको छ । उसले मुद्धती निक्षेपको व्याजदर साढे ५ प्रतिशतबाट सुरु गरेर साढे १० सम्म कायम गरेको छ ।
प्रभु बैंकले साधारण बचतमा ४ देखि ६ प्रतिशत मात्र व्याज दिने भएको छ भने मुद्धती निक्षेपमा साढे ८ देखि साढे १० प्रतिशतसम्मका योजना सार्वजनिक गरेको छ ।
त्यसै गरी सानिमा बैंकले साधारण बचतका अधिकांस प्रोडक्टमा ६ प्रतिशत व्याज दिने योजना बनाएको छ । साधारण बचतका २ योजनामा मात्र ७ प्रतिशत व्याज दिने बताएको सानिमाले मुद्धती निक्षेपमा ९ देखि साढे १० प्रतिशतसम्मको व्याजदर निर्धारण गरेको छ ।
हिमालयन बैंकले शुक्रबारदेखि लागू हुनेगरी साधारण मुद्दति निक्षेपमा ११ प्रतिशत र संस्थागत मुद्दती निक्षेपमा साढे १० प्रतिशत ब्याज दिने प्रस्ताव गरेको छ ।
त्यसै गरी सेन्चुरी कमर्शियल बैंकले बचत खाताको ब्याज दर ७ प्रतिशतमा झार्दै मुद्दती खाताको ब्याजदर १० दशमलव ५ प्रतिशत बनाएको छ ।
नेपाल इन्भेष्टमेण्ट बैंकले मुद्दती निक्षेपमा ९.२५ देखि साढे १० प्रतिशतसम्म व्याजदर प्रस्ताव गरेको छ ।
जनता बैंकले मुद्धती निक्षेपमा ७.२५ प्रतिशतदेखि साढे १० प्रतिशतसम्मको व्याजदर प्रस्ताव गरेको छ ।
एनआईसी एशिया बैंकले साधारण बचतमा ७ तथा मुद्धती बचतमा साढे १० प्रतिशतसम्म व्याज दिने प्रस्ताव गरेको छ ।
त्यसै गरी सनराइज बैंकले ३ महिने मुद्धती खातामा साढे ९ प्रतिशत तथा सोभन्दा बढी अवधिमा १० प्रतिशत व्याज दिने भएको छ ।
एसबिआई बैंकले पनि मुद्धती निक्षेपमा ९ देखि साढे १० प्रतिशतसम्मको व्याजदर प्रस्ताव गरेको छ ।
प्राइम कमर्शियल बैंकले पनि साधारण बचतमा ७ तथा मुद्धतीमा साढे १० प्रतिशत व्याज दिने प्रस्ताव गरेको छ ।
मेगा बैंकले साधारण बचतमा ६ देखि ७ प्रतिशतसम्मका योजना अघि सार्दै मुद्दतीमा साढे १० प्रतिशत ब्याज प्रस्ताव गरेको छ ।
सिद्धार्थ बैंकले साधारण बचतमा ७ प्रतिशत व्याज प्रस्ताव गर्दै मुद्धती निक्षेपमा ९ देखि साढे १० प्रतिशतसम्मको व्याजदर अघि सारेको छ ।
ग्लोबल आईएमई बैंकले मुद्दतीमा साढे १० प्रतिशत ब्याज प्रस्ताव गरेको छ ।
सिटिजन बैंकले १ बर्षे मुद्धतीमा साढे १० तथा ३ वर्षभन्दा साढे ९ देखि बढीमा बढीमा पौने १० प्रतिशत व्याजद दिने बताएको छ ।
नेपाल बंगलादेश बैंकले बचतमा ७ प्रतिशतसम्म तथा व्यक्तिगत मुद्धतीमा ८ देखि साढे १० प्रतिशत र संस्थागत मुद्धतीमा साढे ७ देखि साढे १० प्रतिशतसम्मको व्याज प्रस्ताव गरेको छ ।
लक्ष्मी बैंकले साधारण बचतमा ६ देखि ७ प्रतिशत तथा मुद्धती निक्षेपमा संस्थागतलाई ८ देखि १० प्रतिशत तथा व्यक्तिगतलाई साढे १० प्रतिशत व्याज दिने भएको छ ।
माछापुच्छ्रे बैंकले संस्थागत तथा व्यक्तिगत मुद्धती निक्षेपमा साढे १० प्रतिशतको व्याजदर अघि सार्दै एमबिएल स्यालरी म्यानेजमेण्ट एकाउण्टमा ६ प्रतिशत व्याजदर प्रस्ताव गरेको छ ।
एनसीसी बैंकले बचतमा ७ प्रतिशत ब्याज प्रस्ताव गर्दै संस्थागत र व्यक्तिगत मुद्दतीमा ४ महिनाभन्दा बढी समयका लागि साढे १० प्रतिशत ब्याज प्रस्ताव गरेको छ ।
कुमारी बैंकले साधारण बचतका सबै योजनामा ७ प्रतिशत व्याज दिने भएको छ भने मुद्धती बचतमा १० देखि ११ प्रतिशत व्याज दिनेछ ।