बैंकको सेयर निष्काशन तथा बिक्री प्रबन्धक नागरिक लगानी कोषले दिएको जानकारी अनुसार शुक्रबारसम्ममा बैंकको एफपिओका लागि ५८ हजार ५ सय आवेदन परेकाे छ । २ अर्ब ३६ करोड रुपैयाँ बराबरकोे ७० लाख ८७ हजार ८७ कित्ता सेयरको लागि उल्लेखित आवेदन परेको नागरिक लगानी कोषका सेयर शाखा प्रमुख रोशनजंग कार्कीले मेरोलगानीलाई बताए ।
बैंकले जेठ ३० गतेदेखि सर्वसाधारणको लागि एक करोड १४ लाख १५ हजार १६३ कित्ता एफपिओ निष्काशन गरिरहेको छ ।
बैंकले राष्ट्र बैंकले तोकेको न्युनतम चुक्ता पूँजी कायम गर्न १०० रुपैयाँ अंकित मूल्यमा २३३ रुपैयाँ प्रिमियम थप गरी प्रति कित्ता ३३३ रुपैयाँको दरमा एफपिओ निष्कासन गरेको हो ।
एफपिओ बिक्री पश्चात बैंकको चुक्ता पूँजी ७ अर्ब ६० करोड ३२ लाख रुपैयाँ पुग्ने भने दुई अर्ब ६५ करोड रुपैयाँ को प्रिमियम जगेडा कोषमा सञ्चित हुने छ । बैंकले गत बर्षको नाफबाट कम्तीमा ४० करोड रुपैंयाको बोनस बितरण गरी चुक्ता पूँजी ८ अर्ब कायम गर्नेछ ।