इन्स्योेरेन्सले हाल कायम चुक्ता पूँजीको १२ प्रतिशत बोनस बितरण गर्ने प्रस्ताव यस अघि नै गरेको थियो । उक्त बोनस बितरण पश्चात कायम हुने चुक्ता पूँजीको ७० प्रतिशत हकप्रदको प्रस्ताव सहित इन्स्योरेन्सले साधारण सभा बोलाएको हो ।
२०७३ साल भदौ असोजमा २५ प्रतिशत हकप्रद बिक्री गरेर इन्स्योरेन्सले ५० करोडको पूँजीलाई साढे ६२ करोड पुर्याएको थियो । त्यस पछि ५ प्रतिशत बोनस बितरण गरेको कम्पनीले त्यस पछि फेरी १० प्रतिशत बोनस बितरण गरेर ४० प्रतिशत हकप्रद बेचेको थियो ।
गत आर्थिक वर्षको कमाईबाट १२ प्रतिशत बोनस बितरणको पश्चात कायम हुने पूँजीको ७० प्रतिशत हकप्रद बेच्ने प्रस्ताव गरेको हो । अहिले सूर्या लाइफको चुक्ता पूँजी ७२ करोड १८ लाख ७५ हजार रुपैयाँ छ ।
यस अघि निष्काशन भएको ४० प्रतिशत हकप्रद पूँजीकृत भएपछि उसको चुक्ता पूँजी १ अर्ब १ करोड माथि हुनेछ भने प्रस्तावित १२ प्रतिशत बोनस बितरण पश्चात कम्पनीको चुक्ता पूँजी १ अर्ब १३ करोड १९ लाख रुपैयाँ पुग्नेछ ।
उल्लेखित पूँजीको ७० प्रतिशत हकप्रद निष्काशन गर्ने प्रस्ताव कम्पनीले अघि सारेको हो । यो प्रस्ताव स्वीकृत भएर हकप्रद निष्काशन भए पश्चात कम्पनीको चुक्ता पूँजी १ अर्ब ९२ करोड ४२ लाख ३० हजार रुपैयाँ पुग्नेछ ।
बीमा व्यवसाय गर्ने कम्पनीले आफ्नो पूँजी बढाउन थाेरै मात्र लाभांश दिने हैसियत राखेको कम्पनीले पटक पटक हकप्रदको भारी लगानीकर्तामा बिसाई रहेको छ । यसबाट लगानीकर्ताले पाउने लाभांश क्षमता अझै कमजोर बन्दै गईरहेको छ भने भएको सेयर पनि तत्काल बेचेर हकप्रदको उल्झनमा नफस्नु जस्तो हुने देखिन्छ ।
हकप्रदमा उचालिनु भन्दा पहिले कम्पनीको २ वर्ष पहिले र अहिलेको वित्तीय विबरण, लाभांश क्षमता, व्यवसायको आकार लगायतका वित्तीय सूचकहरुको विषय हेर्नु उचित हुन्छ ।