बैंकको सेयर निष्काशन तथा विक्री प्रबन्धक नागरिक लगानी कोषले जेठ ३० गतेदेखि सर्वसाधारणको लागि आवेदन खुला गरेकोमा असार ४ गते सोमबारदेखि संस्थागतलाई खुला गरेको थियो ।
एफपिओमा आवेदन गर्न पाउने अधिकतम सीमा बढाउन विक्री प्रबन्धकसँग लबिङ गरेर ५० लाख कित्ता पुर्याएपनि आवेदन भने ७० संस्थागत लगानीकर्ताले ६० करोडको मात्र गरेका छन् । असार ३ गतेसम्म सर्वसाधारणबाटै एक अर्ब ८० करोडको एफपिओ विक्री भैसकेको थियो ।
धिताेपत्र बोर्डले एफपिओ निष्काशनमा संस्थागत लगानीकर्तालाई तोकेको अधिकतम सीमा हटाएपछि संस्थागत लगानीकर्ताको आवेदन पर्ने अनुमान बिक्री प्रबन्धकले गरेको थियो । तर अपेक्षाकृत आबेदन नपरेकाे हाे ।
आइतबार र सोमबारमा ७ करोडको मात्र आवेदन पर्नुले तथा संस्थागतका लागि खुल्ला गरेको एक हप्तामा ७० आबेदन मात्रै परेकाले ठूला संस्थागतले एफपिओमा चासो बढी आवेदन न्यून गरेको देखिन्छ ।
बैंकको सेयर निष्काशन तथा बिक्री प्रबन्धक नागरिक लगानी कोषले दिएको तथ्याङ्क अनुसार सोमबार बेलुका पाँच बजेसम्म बैंकको एफपिओमा कूल दुई अर्ब ४२ करोड रुपैयाँ बराबरको आवेदन परेको छ । ६१ हजार ३०० जना आबेदकबाट ७२ लाख ६७ हजार कित्ता एफपिओका लागि आवेदन परेको हो ।
बैंकको एफपिओ अझै ४१ लाख ४४ हजार कित्ता अर्थात एक अर्ब ३८ करोड बढी रुपैयाँको विक्री हुन सकेको छैन । एफपिओ आवेदन गर्ने अन्तिम दिन असार २८ गते रहेको छ । बैंकले जेठ ३० गतेदेखि एक करोड १४ लाख १५ हजार १६३ कित्ता एफपिओ निष्काशन गरेको हो ।
बैंकले राष्ट्र बैंकले तोकेको न्युनतम चुक्ता पूँजी कायम गर्न १०० रुपैयाँ अंकित मूल्यमा २३३ रुपैयाँ प्रिमियम थप गरी प्रति कित्ता ३३३ रुपैयाँको दरमा एफपिओ निष्काशन गरेको हो ।
एफपिओ बिक्री पश्चात बैंकको चुक्ता पूँजी ७ अर्ब ६० करोड ३२ लाख रुपैयाँ पुग्नेछ भने दुई अर्ब ६५ करोड रुपैयाँ प्रिमियम जगेडा कोषमा सञ्चित हुनेछ ।