लघुवित्त कम्पनीहरुमध्ये ज्यादै न्यून चुक्ता पूँजी रहेको नयाँ नेपाल लघुवित्तको सेयरमूलय ६ प्रतिशतले बढेको छ । आईसीएफसी फाइनान्स, ङादी ग्रुप पावर, सेन्ट्रल फाइनान्स, नबिल इक्वीटी फण्डको इकाईको सेयरमूल्य ३ प्रतिशतले उकालो लागेको छ ।
उतार सेयरमूल्य घट्ने कम्पनीहरुमा पनि अधिकांश साना कम्पनीहरु नै देखिएका छन् । सबैभन्दा धेरै रिलायन्स फाइनान्सको सेयरमूल्य ४ प्रतिशतले घटेको छ । मिर्मिरे, नेशनल, कालिका र एनएमबि माईक्रोफाइनान्सको सेयरमूल्य ३ प्रतिशतले ओरालो लागेको छ ।
बिहीबार सेयर बजार कारोबार मापक सूचक नेप्से ०.८८ अंकको झिनो विन्दुले घटेर ११९८.५४ अंकमा अडिएको छ । कारोबारमा आएका १० उप समुहमध्ये ६ वटा घटेका छन् भने तीन बढेका छन् ब्यापार समूहको सूचक स्थिर देखिएको छ ।
बैंकिङ्ग ०.७१, जलविद्युत १.६५ र वित्तको सूचक ३.३३ अंकले बढेका छन् भने बाँकी सबै सूचक घटेका छन् । उत्पादन मूलक उप समूह १६.१२ अंक, बीमा १५.६७, होटल ७.४८, विकास बैक ३.४३, अन्य २.८६ र लघुवित्त ०.४९ अंकले झरेका छन् ।
यसदिन १६४ कम्पनीका ११ लाख ४८ हजार कित्ता सेयर २४ करोड २९ लाख ८६ हजार रुपैयाँमा खरिद विक्री भएको छ ।
सवैभन्दा बढी सोल्टी होटलको दुई करोड ३५ लाख ९५ हजार रुपैयाँको सेयर किनबेच भएको छ ।कारोबार रकमको आधारमा मेगा बैंक र नेपाल टेलिकमको समेत एक करोड बढीको सेयर कारोबार भएको छ ।
