नबिल इन्भेष्टमेन्टका अनुसार नाडेप लघुवित्तको आईपिओ बुधबार बिहान बाँडफाँड हुने तय भएको छ । लघुवित्तको आईपिओ ४३ हजार २०० आवेदकले पनि गोलाप्रथाबाट १० कित्ता दरले पाउने भएका छन् ।
कम्पनीको सेयरमा २ लाख १९ हजार बढी आवेदकले आवेदन गरेका थिए । यसअनुसार एक लाख ७५ हजार बढी आवेदक रित्तो हात हुने भएका छन् ।
सर्वसाधारणका लागि निष्काशन भएको चार लाख ३२ हजार कित्ता लघुवित्तको आईपिओमा २३ गुणा बढी अर्थात एक अर्ब बढीको आवेदन परेको थियो ।
लघुवित्तले असार १० गतेदेखि कूल ४ करोड ८० लाख रुपैयाँ बराबरको चार लाख ८० हजार कित्ता आइपिओ निष्काशन गरेको हो । यसमध्ये सर्वसाधारणका लागि ४ लाख ३२ हजार कित्ता बिक्री खुला गरिएको थियो भने २४/२४ हजार कित्ता लघुवित्तका कर्मचारी र सामूहिक लगानी कोषलाई छुट्याइएको थियो ।
नाडेपको ३० प्रतिशत आईपिओ जारी गरेसँगै ११ करोड २० लाख रुपैयाँको पूँजी १६ करोड रुपैयाँ पुग्नेछ ।