तीन बीमा कम्पनीलाई उत्कृष्ट सम्मान

Jul 05, 2018 Merolagani

बाली तथा पशुपन्छी बीमा क्षेत्रमा महत्वपुर्ण योगदान पुर्याएको भन्दै कृषि भुमी व्यवस्था तथा सहकारी मन्त्रालयले ३ निर्जीवन बीमा कम्पनीलाई सम्मान गरेको छ । बीमा समितिसंगको समन्यवमा मन्त्रालयले एनएलजी इन्स्योरेन्सलाई सर्बोत्कृष्ट र सिद्धार्थ र लुम्बिनी जनरल इन्स्योरेन्सलाई उत्कृष्ट सम्मान गरेको हो ।

पशु तथा बाली बीमाको बीमाङ्क रकम, लाभान्वित कृषक वा कृषि व्यवसायीको पहुँच र सेवा विस्तारको क्षेत्रका आधारमा बीमा कम्पनीहरुको छनौट गरिएको मन्त्रालयले जनाएको छ ।

नेपालमा आर्थिक वर्ष २०६९/७० को माघ १ गते देखि औपचारिक रुपमा बाली तथा पशुधन बीमा कार्यमक्रम सुरु भएको हो ।

यस्तै मन्त्रालयले आर्थिक वर्ष २०७४/७५ को सर्वोत्कृष्ट राष्ट्रपति पुरस्कार राजेन्द्रराज पन्तलाई प्रदान गरेको छ । गोरखा पालुङटारका पन्तलाई गाई पालन विधामा राष्ट्रियपति सर्वोकृष्ट पुरस्कार वितरण तथा सम्मान गरेको हो ।

भरतपुर महानरनगरपालिका चितवनका योगेन्द्रबहादुर खड्कालाई बाख्रापालनमा, खजुरा गाँउपालिका बाँकेका लालबहादुर सुनुवारलाई च्याउ खेतीमा राष्ट्रपति उत्कृष्ट कृषक पुरस्कार वितरण गरेको छ ।

यस्तै धनुषा ननुपट्टी गाँउपालिका बौएलाल मुखियालाई माछापालन र कैलाली टिकारपुर नगरपालिकाका रामबहादुर कुँवरलाई केरा खेतीको लागि राष्ट्रपति उत्कृष्ट कृषक पुरस्कार वितरण गरेको हो ।

मन्त्रालयले सर्वोत्कृष्टलाई २ लाख र उत्कृष्टलाई १ लाख रुपैयाँ नगद तथा प्रमाणपत्रबाट सम्मान गरेको हो ।

comments powered by Disqus

माथिल्लो तामाकोशीको शेयर: आईपिओ भर्नेले जिते कि दोस्रो बजारका कारोबारीले ?

Jan 23, 2019

ठूलो संख्यामा सर्वसाधारणमा शेयर निष्काशन गरेको माथिल्लो तामाकोशी जलविद्युत आयोजना (UPPER) को शेयरमा आईपिओ भरेका धेरै लगानीकर्ता अहिले अलमलमा परेका छन्। दोस्रो बजारका कारोबारीहरुको नियन्त्रणमा केहि दिन कम्पनीको शेयर कारोबार हुँदा आईपिओका आवेदक भने अलमलमा परेका हुन् ।