सिन्धु विकास बैंकको बोनस सुरक्षित गर्ने बिहीबार अन्तिम दिन

Jul 05, 2018 Merolagani

सिन्धु विकास बैंक (SINDU) को ५.९५ प्रतिशत बोनस सेयर सुरक्षित गर्ने बिहीबार अन्तिम दिन रहेको छ । बैंकले साधारण सभाका लागि असार २२ गते शुक्रबारदेखि सेयरधनी किताब बन्द गर्ने भएकाले बिहीबारसम्म कायम रहेका सेयरधनीले मात्र बोनस पाउनेछन् ।

बैंकले दुई करोड ८० लाख ८० हजार ८१६ रुपैयाँ बराबरको बोनस पारित गर्न यहि असार ३१ गते मिरावल रिसोर्ट एन्ड होटल प्रालि, धुलिखेलमा बिहान १० बजे वार्षिक साधारण सभा आह्वान गरेको छ । 

सभाका अन्य  प्रस्तावहरूमा उपयुक्त्त बैंक तथा वित्तीय संस्थासँग मर्जर तथा एक्वीजिशन गर्न सञ्चालक समितिलार्इ अख्तियारी प्रदान गर्ने, बीमा अभिकर्ता भर्इ काम गर्ने, सर्वसाधारण समूहका ३ जना सञ्चालकहरुको निर्वाचन , चितवन र मकवानपुरमा कार्यक्षेत्र विस्तार गर्ने लगायतका रहेका छन् । 

बैंकले राष्ट्र बैंकले ताेकेकाे न्यूनतम चुक्ता पूँजी ५० करोड रुपैयाँ पुर्याउन उल्लेखित बोनस प्रस्ताव गरेको हो । अहिले बैंकको चुक्ता पूँजी ४७ करोड १९ लाख ४६ हजार रुपैयाँ छ । बोनस बितरण पश्चात बैंकको चुक्ता पूँजी ५० करोड रुपैयाँ पुग्नेछ ।

बैंककाे साधारण सभाकाे सूचना यहाँबाट हेर्नुहाेस् 

comments powered by Disqus

शिवम् सिमेन्टको आईपिओ खुल्यो, ५० देखि सबै कित्ता माग गर्न सकिने

Feb 18, 2019

शिवम् सिमेन्ट (SCL) ले फागुन ६ गते सोमबारदेखि ४६ लाख ९९ हजार ६४० कित्ता शेयर निष्काशन गरेको छ। जसमा सामुहिक लगानी कोषहरु र शिवम् सिमेन्टका कर्मचारीका लागि ६० हजार कित्ता, सर्वसाधारणलाइ ४१ लाख २० हजार कित्ता र मकबानपुरबासिका लागि ५ लाख ७९ हजार ६४० कित्ता शेयर बिक्री खुला भएको हो।