पञ्चकन्या माई हाइड्रोले साउन १ देखि सर्वसाधारणलार्इ आईपिओ निष्काशन गर्ने

Jul 06, 2018 Merolagani

पञ्चकन्या माई हाइड्रोपावर कम्पनीले साउन १ गतेदेखि ४ गतेसम्म सर्वसाधारणका लागि सेयर निष्काशन गर्ने भएको छ । कम्पनीले एक सय रुपैयाँ दरको ११ लाख कित्ता बराबरको ११ करोड रुपैयाँको आईपिओ जारी गर्न लागेको हो ।

एक अर्ब १० करोड रुपैयाँ जारी पुँजी रहेको पञ्चकन्याले जारी पुँजीको १० प्रतिशत सेयर सर्वसाधारणलाई बिक्री गर्न लागेको हो । कूल निष्काशित आईपिओमध्ये ४४ हजार कित्ता कम्पनीको कर्मचारीहरू र ५५ हजार कित्ता सामूहिक लगानी कोषलाई छुट्टाइएको छ । 

बाँकी रहेको १० लाख एक हजार कित्ता सर्वसाधारणलाई बाँडफाँड हुनेछ । आईपिओमा न्यूनतम ५० कित्तादेखि अधिकतम पाँच हजार ५०० कित्तासम्म आवेदन गर्न सकिने व्यवस्था रहेको छ ।

लगानीकर्ताले आईपिओमा धितोपत्र बोर्डबाट आश्वा अनुमति प्राप्त गरेका सम्पूर्ण बैंक तथा वित्तीय संस्थाबाट सी–आस्वा प्रणालीबाट तथा मेरो सेयर प्रयोगकर्ताले घरबाटै आवेदन गर्न सक्नेछन् । तर कम्पनीले क्रेडिट रेटिङ ४ पाएको कम्पनीको वित्तीय अवस्था औसतभन्दा कमजोर अवस्थामा रहेको बुझिन्छ ।

साधारण सेयर जारी गर्न कम्पनीले सनराईज क्यापिटललाई सेयर निष्काशन तथा बिक्री प्रबन्धक नियुक्त गरेको छ । 

यसअघि गत माघ ५ गते देखि २३ गते सम्म आयोजना प्रभावित इलामका स्थानीय बासिन्दाको लागि हाइड्रोले ११ लाख कित्ता शेयर निष्काशन गरिसकेको छ । अहिले थप ११ लाख कित्ता शेयर सर्वसाधारको लागि निष्कासन गर्न लागेको हो ।

हाइड्रोले गत जेठ ७ गते साधारण शेयर निष्काशन गर्न अनुमति मागेकोमा बोर्डबाट असार ८ गते आईपिओ जारी गर्ने अनुमति पाएको थियो ।

पञ्चकन्या समूहले प्रवद्र्धन गरेको पञ्चकन्या माई हाइड्रोपावर कम्पनीले सन्दकपुर गाउँपालिकास्थित माबु, माईमझुवा र सुलुबुङमा अप्पर माई जलविद्युत आयोजनाबाट १२ मेगावाट क्षमताको अपरमाई आयोजना सञ्चालनमा ल्याएको छ भने ६ दशमलव १ मेगावाटको क्यास्केड आयोजना निर्माण सम्पन्न गरिसकेको छ ।

comments powered by Disqus

स्वावलम्बन लघुवित्तले साढे १० करोडको एफपिओ जारी गर्ने

Dec 17, 2018

स्वावलम्बन लघुवित्त वित्तीय संस्था (SWBBL) ले साढे १० कराेडकाे एफपिअाे निष्काशन गर्ने भएकाे छ। लघुवित्तमा हाल कायम रहेको संस्थापक र सर्वसाधारणको पूँजी अनुपात ७०ः३० लाई परिवर्तन गरी ५१ः४९ कायम गर्न एफपिओ निष्काशनका साथै ६ कराेड ६० लाखकाे संस्थापक शेयरलाई पनि साधारणमा रुपान्तरण गर्ने भएको हाे ।