इच्छुक लगानीकर्ताले न्यूनतम एक सय रुपैयाँ भन्दा बढी मूल्य राखेर संस्थापक शेयरका लागि कम्तिमा १ हजार कित्ता र साधारण शेयरका लागि कम्तिमा १ सय कित्ताको आवदेन दिनुपर्ने विक्री प्रबन्धक एनआइबीएल एस क्यापिटलले जनाएको छ ।
लगानीकर्ताहरुले लिलामी सेयरको विक्री प्रबन्धक एनआईबिएल एस क्यापिटल लाजिम्पाट, लालदरबार, र लगननखेल तथा कुमारी बैंक दरबारमार्ग, नेपालगञ्ज, सुर्खेत, धनगढी,बीरगञ्ज, विराटनगर बुटवल र पोखरा शाखाबाट असार २२ देखि २९ गतेसम्म शिलबन्दी बोलपत्र पेश गर्न सक्नेछन् । आवेदन गर्दा कुमारी बैंकमा रहेको एनआइबीएल एस क्यापिटलको खातामा रकम जम्मा गरेर शीलवन्दी आवेदन बुझाउनु पर्ने छ ।
पछिल्लो कारोबार अनुसार बजार मूल्य २०६ रुपैयाँ रहेको छ ।
बैंकले गत बैशाख २८ गतेदेखि चुक्ता पूंजीको २० प्रतिशत अर्थात १ करोड १९ लाख ३८ हजार ९९१ कित्ता हकप्रद बिक्रीमा ल्याएको थियो । हकप्रद निष्काशनसँगै चुक्ता पूँजी ७ अर्ब १६ करोड रुपैयाँ पुगेको छ । राष्ट्र बैंकले तोकेको न्यूनतम आठ अर्ब चुक्ता पूँजी पुर्याउने क्रममा बैंकले अझै ८३ करोड ६६ लाख रुपैयाँ आवश्यक पर्छ।
चालु आर्थिक वर्षको तेस्रो त्रैमासमा कुमारी बैंकले ७० करोड ५६ लाख ७६ हजार रुपैयाँ खुद नाफा कमाएको छ । प्रतिसेयर आम्दानी १५ रुपैयाँ ७६ पैसा रहेको यस बैंकको प्रतिसेयर नेटवर्थ १४७ रुपैयाँ ११ पैसा छ ।