बैंकले गत मंसिर २० गते चुक्ता पूँजीको ५० प्रतिशत हकप्रद विक्री गर्न अनुमति माग्दै निवेदन दर्ता गरेको थियो । राष्ट्र बैंकले तोकेको न्यूनतम चुक्ता पूँजी कायम गर्न बैंकले हकप्रदको बाटो अंगालेको थियो ।
बोर्डबाट एनसीसीले दुई बराबर एक कित्ता अनुपातमा एक सय रुपैयाँ अंकित दरको २ करोड ३३ लाख ९५ हजार २९१ कित्ता हकप्रद जारी गर्न अनुमति पाएको हो । जसको बिक्री प्रबन्धकको काम सनराइज क्यापिटललाई गर्नेछ ।
चार अर्ब अर्ब ६७ करोड ९० लाख ५८ हजार रुपैयाँ चुक्ता पूँजी रहेको हकप्रदपछि सात अर्ब एक करोड ८५ लाख ८७ हजार रुपैयाँ पुग्नेछ । हकप्रदपछि ९९ करोड रुपैयाँ बराबरको सञ्चित नाफाबाट बोनस वितरण गरेर अन्य विकल्पबाट बैंकले आठ अर्ब रुपैयाँ चुक्ता पुर्याउन पर्नेछ ।
अन्य धेरै बाणिज्य बैंकहरुले आठ अर्ब चुक्ता पूँजी कायम गरिसक्दा एनसीसीले धेरै अगाडि नै हकप्रद जारी गर्ने तयारी गरेपनि विविध कारणले ढिलाई हुँदै आएको थियो ।