सहाराको २५० प्रतिशत हकप्रदमा आवेदन गर्ने आइतबार अन्तिम दिन

Jul 08, 2018 Merolagani

सहारा विकास बैंक (SHBL) ले निष्काशन गरेको हकप्रदमा आवेदन गर्ने आइतबार अन्तिम दिन रहेको छ । बैंकले जेठ ६ गतदेखि असार ९ गतेसम्म चुक्ता पूँजीको २५० प्रतिशत हकप्रद खुला गरेकोमा सबै विक्री नभएपश्चात १५ दिन समयावधि थप गरेको थियो ।

हकप्रदमा गत बैशाख ९ गतेसम्म कायम बैंकका सेयरधनीले असार २४ गते सम्म हकप्रद खरिद गर्न सक्नेछन् । देव विकास बैंकसँग विलय हुने सम्झौता गरेको सहाराले विलयपूर्व एक सेयर बराबर २.५ कित्ताको अनुपातमा १८ लाख २४ हजार ८७० कित्ता हकप्रद सेयर बिक्रीमा ल्याएको हो ।

बैंकको सेयर बिक्री प्रबन्धक एनआइबीएल एस क्यापिटल रहेको छ । हकप्रदमा सि आश्वा सेवा लिएका बैंक तथा वित्तीय संस्थाका अलवा क्यापिटलको प्रधान कार्यालय लाजिम्पाट, शाखा कार्यालयहरु लालदरबार काठमाडौं, लगनखेल ललितपुर, चिप्लेढुंगा पोखरा, ट्राफिकचोक बुटवल, आदर्शनगर वीरगञ्ज र गोल्छाचोक विराटनगरबाट आवेदन दिन सकिनेछ ।

यसैगरी, बैंकको मलंगवा नगरपालिका, ९ सर्लाही तथा सिराहा, बरहथवा, इश्वरपुर र लालबन्दी शाखा कार्यालयबाट पनि आवेदन गर्न पाएने व्यवस्था छ ।

हाल बैंकको चुक्ता पूँजी ७ करोड ९४ हजार रहेको छ । हकप्रद पश्चात बैंकको पूँजी बढेर २५ करोड ५४ लाख ८१ हजार रुपैयाँ पुग्नेछ ।

comments powered by Disqus

मंगलबारदेखि पञ्चकन्या माई हाइड्रोको ११ लाख कित्ता आईपिओ खुल्यो

Jul 17, 2018

पञ्चकन्या माई हाइड्रोपावर कम्पनी (PMHL) ले साउन १ गते मंगलबारदेखि सर्वसाधारणका लागि एक सय रुपैयाँ दरको ११ करोड रुपैयाँको ११ लाख कित्ता साधारण सेयर निष्काशन गरेको छ । पहिलो चरणमा स्थानीयलाई सेयर निष्काशन गरेको कम्पनीले दोस्रो चरणमा सर्वसाधारणलाई आईपिओ जारी गरेको हो ।