साथै बैंकले एक प्रतिशत वा सो भन्दा बढी सेयर धारण गरेका सञ्चालक र आधारभुत सेयरधनीलाई हकप्रद वापतको रकम अग्रिम रुपमा (कल इन एडभान्स्ड) बुझाउन समेत सूचना जारी गरेको छ ।
बैंकले साउन ११ गतेभित्र हकप्रद वापतको रकम बुझाउन बाँकी रहेका सेयरधनीलाई खाता नम्बर ९१६१३०९०००१०० मा जम्मा गरी भौचरको प्रतिलिपि उपलब्ध गराउन अन्तिम पटक सूचना प्रकाशित गरेको जनाएको छ ।
एनसीसीले दुई बराबर एक कित्ता अनुपातमा एक सय रुपैयाँ अंकित दरको २ करोड ३३ लाख ९५ हजार २९१ कित्ता हकप्रद सेयर जारी गर्नेछ । जसको बिक्री प्रबन्धकको काम सनराइज क्यापिटललाई गर्नेछ ।
चार अर्ब अर्ब ६७ करोड ९० लाख ५८ हजार रुपैयाँ चुक्ता पूँजी रहेको हकप्रदपछि सात अर्ब एक करोड ८५ लाख ८७ हजार रुपैयाँ पुग्नेछ । हकप्रदपछि ९९ करोड रुपैयाँ बराबरको सञ्चित नाफाबाट बोनस वितरण गरेर वा अन्य विकल्पबाट बैंकले आठ अर्ब रुपैयाँ चुक्ता पुर्याउन पर्नेछ ।
दुई बराबर एक अनुपातमा हकप्रद सेयर जारी गर्ने प्रस्ताव बैंकको २०७४ भदौ १६ गते सम्पन्न १९ औं बार्षिक साधारण सभाबाट पारित गरेको थियो ।
बैंकले गत मंसिर २० गते चुक्ता पूँजीको ५० प्रतिशत हकप्रद विक्री गर्न अनुमति माग्दै निवेदन दर्ता गरेको थियो । ५० प्रतिशत हकप्रद अनुमति मागेको सात महिनापश्चात बैंकले असार २२ गते बोर्डबाट हकप्रद जारी गर्न स्वीकृती पाएको हो ।