बैंकको सेयर निष्काशन तथा विक्री प्रबन्धक प्रभु क्यापिटलले दिएको प्रारम्भिक तथ्याङ्क अनुसार १५८ रुपैयाँ वा सो भन्दा बढी मूल्यमा बोलपत्र पेश गर्नेले लिलामी सेयर सकारेका छन् । बैंकको साधारण सेयरमा दुई हजार २८ वटा बोलपत्र पेश भएकोमा ३५० आवेदकले लिलामीको साधारण सेयर प्राप्त गरेका हुन् ।
बैंकको साधारण सेयरका लागि अधिकतम १९७ रुपैयाँ ४० पैसामा एक सय कित्ताका लागि आवेदन परेको थियो । साना लगानीकर्ताहरुले १५० रुपैयाँ वा सो भन्दा बढी मूल्यमा बोलपत्र पेश गरेका थिए । संस्थागत लगानीकर्ताबाट धेरै १४६ रुपैयाँ वा सो भन्दा कम मुल्यमा बोलपत्र पेश गरेकाले साना लगानीकर्ताको पल्ला भारी भएको हो ।
ठूलाे कित्तामा सेयर प्राप्त गर्नेमा ज्योति कुमारी सरावगीले १६२ रुपैयाँमा ४० हजार कित्ता सेयर प्राप्त गरेकी छिन् । त्यसैगरी जय प्रसाद चुडालले १६७ रुपैयाँमा १० हजार कित्ता र रेशम सिवाकोटीले १६३ रुपैयाँमा ४० हजार कित्ता सेयर सकारेका छन् । १५८ रुपैयाँ वा सो भन्दा बढी मूल्यमा अन्य सबै आवेदकले पनि सेयर प्राप्त गरेका छन् ।
संस्थागत लगानीकर्ताको तर्फबाट अल्फा क्यापिटलले १६२ रुपैयाँमा १८ हजार कित्ता हात छ पारेको छ । अन्य धेरै संस्थागत लगानीकर्ताले सेयर प्राप्त गर्न सकेनन् ।
सिद्धार्थ इक्वीटी ओरेन्टेड स्कीम र सिद्धार्थ इक्वीटी फण्ड दुबैले एक एक लाख कित्ता, सानिमा इक्वीटि फण्डले ५० हजार कित्ता, सिद्धार्थ क्यापिटलले पनि १५ हजार कित्ता सेयर १४६ रुपैयाँमा बोलपत्र पेश गरेका थिए । तर कुनैपनि आवेदकले सेयर प्राप्त गर्न सकेनन् ।
भृकुटी ब्रोकेज फर्मले १० हजार कित्ता सेयर १५१ रुपैयाँ तथा सिभिल क्यापिटलले ४० हजार कित्ता सेयर १२२ रुपैयाँमा बोलकबोल गरेका थिए । उनीहरु पनि सेयर पाउनबाट विमुख भएका छन् ।
साधारण सेयरका लागि न्यूनतम एक सय कित्तादेखि अधिकतम सेयरका लागि शिलबन्दी बोलपत्र पेश गर्न सकिने व्यवस्था रहेको थियो ।