बैंकले मोरङ्गमा नयाँ शाखा सञ्चालनमा ल्याएको हाे भने चितवनमा र धादिङ्गमा रहेकाे दुर्इ शाखा स्थानान्तरण गरि सञ्चालनमा लयाएको जनाएको छ ।
बैंकले असार २५ गते विराटनगर महानगरपालिका वडा नं ०२, विराटनगर, मोरङ्गमा ७३ औं शाखा सञ्चालनमा ल्याएको हो । त्यसैगरि असार २५ गते नै महालक्ष्मी विकास बैंकले धादिङ्गबेशी शाखा धुनिबेशी नगरपालिका वडा नं ६, धार्केमा तथा असार २४ गतेदेखि लायन्सचोक नारायणगढ शाखा स्थानान्तरण गरि हाकिमचोक, चितवनबाट बैकिङ्ग कारोबार सञ्चालनमा आएको जनाएको छ ।
२ अर्ब ६३ करोड रुपैयाँ चुक्ता पुँजी रहेको बैंकले हालसम्म २६ अर्ब १० करोड रुपैयाँ निक्षेप संकलन गरी २१ अर्ब ६४ करोड रुपैयाँ कर्जा प्रवाह गरेको छ ।
देशका शहरी तथा ग्रामीण क्षेत्रमा विभिन्न स्थानहरुमा ७३ वटा शाखा तथा ३५ वटा एटिएमहरुमार्फत सेवा प्रदान गरिरहेको बैंकको ग्राहक संख्या ४ लाख ४० हजार भन्दा बढि रहेको बताइएको छ ।
