ग्लोबल आइएमई बैंकको शाखारहित बैंकिङ्ग सेवामा शतककाे रेकर्ड

Jul 10, 2018 Merolagani

ग्लोबल आइएमई बैंक (GBIME) ले शाखारहित बैंकिङ्ग सञ्चालनमा नयाँ रेकर्ड बनाएको छ । २०६९ असार २० गते बर्दियाको मैनापोखरमा पहिलो शाखारहित बैंकिङ्ग सेवाको सुरुवात गरेको बैंकले सोमबार सुनसरी जिल्लाको बराह नगरपालिका ५ कालाबन्जरमा आफ्नो १०० औँ शाखारहित बैंकिङ्ग सेवा सेवा सुरु गरेको हो ।

बैंकले असार २५ गते सोमबार १०० औँ सेवा सञ्चालनमा ल्याएर नयाँ कोशेढुङ्गा पार गरेको जनाएको छ । १०० औँ शाखा रहित बैंकिङ्ग सेवाको सुरुवात कालाबन्जरकी १०५ बर्षकी ज्येष्ठ नागरिक अनुरुपा बिष्ट तथा ग्लोबल आइएमई बैंकका रेमिट्यान्स, क्रेडिट कार्ड बिक्रि तथा बजार प्रबर्धन, मिडिया एवं ब्राडिण्ङ्ग र शाखारहित बैंकिङ्ग सेवा प्रमुख रबिन्द्र ढकालले संयुक्त रुपमा गरेका छन् । 

बैंकले जेष्ठ नागरिक प्रति सम्मान व्यक्त गर्दै आफ्नो १०० औ शाखारहित बैंकिङ्ग सेवा १०५ बर्षकी ज्येष्ठ नागरिकको हातबाट समुद्घाटन गरेको बताएको छ ।

शाखारहित बैंकिङ्ग सेवाबाट देशका विभिन्न ग्रामीण क्षेत्रका स्थानिय बासिन्दाले आफ्नो गाउँमै स्थानिय प्रतिनिधि मार्पmत बैंकिङ्ग सेवा लिन सक्नेछन । यसबाट निक्षेप खाता खोल्ने, तोकिएको सीमा सम्मको रकम जम्मा गर्ने तथा झिक्ने, आफ्नो खातामा रहेको मौज्दातको जानकारी लिने, कर्जाको व्याज भुक्तानी गर्ने, डिसहोम, सिडिएमए मोबाईल तथा युटीएलको महसुल भुक्तानी गर्ने, मोबाइल रिर्चाज गर्ने लगायतका सेवा लिन सक्नेछन् ।

कृषि, रेमिट्यान्स तथा पर्यटन मुख्य आयस्रोत रहेको यो क्षेत्रको बासिन्दा बैंकिङ्ग सेवा उपभोग गर्नका लागि टाढा–टाढासम्म पुग्नुपर्ने बाध्यतालाई मध्यनजर गरी ग्लोबल आइएमई बैंकले त्यस स्थानमा शाखारहित बैंकिङ्ग सेवा सुरु गरेको हो ।

ग्लोबल आइएमई बैंकले सबै क्षेत्र र वर्गसम्म बैंकिङ्ग सेवाको पहुँच पु¥याउने उद्देश्यले १२९ शाखा, १३२ एटिएम, ५ एक्सटेन्सन काउण्टर, १४ राजश्व संकलन काउण्टर र १०० शाखा रहित बैंकिङ्ग सेवा, विदेशमा ३ प्रतिनिधि÷सम्र्पक कार्यालय माफर्त आफ्ना ९ लाख भन्दा बढि ग्राहकहरु माझ सेवा प्रदान गर्दै आइरहेको छ ।

comments powered by Disqus

युनिभर्सलको आईपिओ कहिलेसम्म पाइन्छ भर्न ? आवेदक संख्या करिब एक लाख पुग्याे

Feb 15, 2019

युनिभर्सल पावर कम्पनी (UPCL) को साधारण शेयर (आईपिओ) मा फागुन ३ गते शुक्रबार बिहानसम्म ८४ करोड ५८ लाख रुपैयाँ बराबरको आवेदन परेको छ। कम्पनीले माघ २५ गतेदेखि सर्वसाधारणको लागि ८६ करोड ७४ लाख रुपैयाँ बराबरको आईपिओ निष्काशन गरेको थियो।