एनआईसी एशिया बैंकको डडेल्धुरा र डोटीमा शाखा विस्तार

Jul 10, 2018 Merolagani

एनआईसी एशिया बैंक (NIC) ले थप २ नयाँ शाखा कार्यालयहरु सञ्चालनमा ल्याएको छ । बैंकले डडेल्धुरा र डोटीमा शाखा विस्तार गरेको हो ।

बैंकको डडेल्धुरास्थित डडेल्धुरा शाखा अमरगढी नगरपालिकाका मेयर विश्वेश्वर प्रसाद ओझा र डोटीस्थित दिपायल शाखा दिपायल सिलगढी नगरपालिकाका मेयर मञ्जुमलासीले आषाढ २५ गते उद्घाटन गरेका हुन् ।

बैंकको देशभरी २२५ शाखा कार्यालयहरु, २१८ एटिएम, १४ वटा एक्सटेन्सन काउण्टर एवं ११ वटा शाखा रहित बैंकिङ्ग ईकाई सञ्चालनमा रहेका छन् ।

बैंकको वासलातको आकार रू. १७७ अर्ब रुपैयाँभन्दा बढी पुगेको छ भने कुल निक्षेप करिब १५१ अर्ब रुपैयाँ पुगि निजी क्षेत्रबाट स्थापित बैंकहरुमध्ये नेपालको सबैभन्दा ठूलो बैंक तथा कुल कर्जा करिब १२० अर्ब रुपैयाँ सहित निजी क्षेत्रका बैंकहरुमध्ये दोस्रो ठूलो बैंकको रुपमा बैंकले आफ्नो पहिचान बनाउन सफल भइसकेको बैंकले जनाएको छ ।

हालसम्म यस बैंकमा ग्राहकको संख्या करिब ११ लाख ७५ हजार पुगेको छ । बैंकले हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा संचालन गर्ने योजना अगाडि सारेको छ ।

comments powered by Disqus

चाकडी र घुस दिन नसक्ने पत्र मन्त्रीलार्इ लेख्दै वीर अस्पतालका डाक्टरले दिए राजीनामा

Nov 20, 2018

वीर अस्पतालका न्यूरो सर्जरी यूनिट प्रमुख प्रा।डा ध्रुव राज अधिकारीले राजीनामा दिएका छन् । प्रा.डा.अधिकारीले सोमबार लेखेको खुल्ला राजीनामा पत्र यतिबेला सामाजिक सञ्जालमा भार्इरल बनेको छ ।