एफपिओको भाउमै नेपाल बैंकको शेयर दोस्रो बजारमा कारोबार

Jul 10, 2018 Merolagani

नेपाल बैंक(NBL) को शेयर दोस्रो बजारमा पनि एफपिओको कै भाउ प्रतिकित्ता २८० रुपैयाँमा कारोबार भएको छ । शेयरबजारमा आएको निरन्तरको गिरावटले बैंकको एफपिओ बिक्री नहुने अवस्थामा पुगेको छ भने भाउ समेत घटेर एफपिओको कै मूल्यमा झरेको छ ।

मंगलबार शेयरबजारमा बैंकको १५० कित्ता शेयर प्रतिकित्ता २८० रुपैयाँका दरले कारोबार भएको हो । ब्रोकर नं ८ ले बिक्री गरेको १५० कित्ता शेयर ब्रोकर नं ५८ ले प्रतिकित्ता २८० रुपैयाँका दरले खरिद गरेको हो ।

यसदिन नेपाल बैंकको कुल २५ हजार ३३८ कित्ता शेयर ७१ लाख ४८ हजार १०६ रुपैयाँ बराबरमा कारोबार भयो । बैंकको शेयर न्यूनतम २८० रुपैयाँदेखि अधिकतम २८९ रुपैयाँसम्म कारोबार भएको छ ।

बैंकले गत असार १५ गतेदेखि २८० रुपैंयाको दरमा १ करोड ७६ लाख कित्ता निष्काशन गरेको थियो ।

सेयर निष्काशन भएको १२ दिन असार २६ गतेसम्म बैंकको जम्मा १२ लाख ६० हजार १५० कित्ता सेयर मात्र बिक्री भएको छ । बैंकको एफपिओका लागि हालसम्म ११ हजार ८८९ जनाले आवेदन गरेको बिक्री प्रबन्धक सिद्धार्थ क्यापिटलले जनाएको छ ।

उल्लेखित तथ्यांकका आधारमा हेर्दा नेपाल बैंकको ३५ करोड २८ लाख ४२ हजार रुपैंयाको मात्र एफपिओ बिक्री भएको हो । बैंकले ४ अर्ब ९५ करोड १७ लाख ६० हजार २४० रुपैैंयाको एफपिओ निष्काशन गरिरहेको छ ।

दोस्रो बजारमा बैंकको सेयरमूल्य एफपिओको मूल्य नजिक आएपछि बैंकलाई एफपिओ बिक्री गर्न समस्या पर्ने देखिएको छ । एफपिओ सूचीकरण पश्चात बिक्री चाप धेरै आउने हुँदा कतै बुटवल पावरको हालत त हुँदैन भन्ने प्रश्नले पनि लगानीकर्तालाई घच्घच्याई रहेको छ ।

comments powered by Disqus

चाकडी र घुस दिन नसक्ने पत्र मन्त्रीलार्इ लेख्दै वीर अस्पतालका डाक्टरले दिए राजीनामा

Nov 20, 2018

वीर अस्पतालका न्यूरो सर्जरी यूनिट प्रमुख प्रा।डा ध्रुव राज अधिकारीले राजीनामा दिएका छन् । प्रा.डा.अधिकारीले सोमबार लेखेको खुल्ला राजीनामा पत्र यतिबेला सामाजिक सञ्जालमा भार्इरल बनेको छ ।