बजेटका लक्ष्यलाई सार्थक तुल्याउने गरी मौद्रिक नीति आज सार्वजनिक गरिने

Jul 11, 2018 Merolagani

नेपाल राष्ट्र बैंकले आगामी आर्थिक वर्ष २०७५/७६ का लागि आज मौद्रिक नीति सार्वजनिक गर्ने भएको छ । राष्ट्र बैंकले आगामी बर्षका लागि विनियोजित बजेटका लक्ष्यलाई सार्थक बनाउने बलियो आधार लिएर मौद्रिक नीति सार्वजनिक गर्ने बताएको छ ।

राष्ट्र बैंकले विनियोजित बजेट, वर्तमान वित्तीय अवस्था र चालू आवको मौद्रिक नीति कार्यान्वयनको सकारात्मक तथा नकारात्मक अवस्थाको विश्लेषणका आधारमा आगामी आवका लागि मौद्रिक नीति सार्वजनिक गर्न लागेको राष्ट्र बैंकका प्रवक्ता नारायण पौडेलले जानकारी दिए ।

राष्ट्र बैंकले आज दिउँसो २ बजे सञ्चालक समितिले पारित गरेको मौद्रिक नीति गर्न लागेको हो। आगामी आवको बजेटले ८ प्रतिशतको आर्थिक वृद्धिदर एवं ६.५ प्रतिशतको मुद्रास्फ्रिति दर कायम गर्ने लक्ष्य राखेको छ । यी लक्ष्यलाई मौद्रिक नीतिले सम्बोधन गर्ने विश्वास लिइएको छ ।

बजेटले राखेको लक्ष्य पूरा गर्ने हो भने रु २५ खर्बभन्दा बढीको लगानी गर्नुपर्ने हुन्छ । तर, वर्तमान अवस्थामा बैंकले रु २० खर्ब लगानी परिचालन गरेका छन् । बजेटले राखेको वृद्धिदरको लक्ष्य पूरा गर्नका लागि थप २५ प्रतिशत अर्थात् रु पाँच खर्ब लगानी थप्नुपर्नेछ ।

व्याजरदरलार्इ व्यवस्थीत गर्ने, सरकारी अनुदानका योजनाहरुमा विशेष कर्जाको व्यवस्था, अनिवार्य तरलता अनुपात लगायतका बिषय मौद्रिक नीतिमा समेटिएका छन् । बैंकहरुले विदेशी बैंकबाट ऋण ल्याउने व्यवस्था मौद्रिक नीतिबाटै गरिने भएको छ ।

बैंक तथा वित्तीय संस्थामा देखिएको लगानीयोग्य रकमको अभावलाई सम्बोधन गर्दै ब्याजदरमा स्थायित्व कायम हुने गरी मौद्रिक नीति आउने अपेक्षा गरिएको छ ।

वैदेशिक लगानीलाई प्रवद्र्धन गर्ने, वित्तीय क्षेत्र सुधार, शैक्षिक प्रमाणपत्र धितो राखेर कर्जा प्रवाह गर्ने र सबै नेपालीको बैंक खाता जस्ता कार्यक्रमले प्राथमिकता पाउने देखिन्छ ।

साथै नीति तथा कार्यत्रम र बजेटले उत्साहित तुल्याउन नसकेको शेयर बजारलाई मौद्रिक नीतिले केही राहत दिने अपेक्षा आम लगानीकर्ताले राखेका छन् ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।