'नेपाल इन्भेष्टमेण्ट बैंक बण्ड' को अन्तिम किस्ता भुक्तानी आषाढ २९ गतेदेखि

Jul 11, 2018 Merolagani

नेपाल इन्भेष्टमेण्ट बैंकले 'नेपाल इन्भेष्टमेण्ट बैंक बण्ड २०७५ ' को खण्डित अवधिको अन्तिम किस्ताको ब्याज तथा सावाँ रकम भुक्तानी यही आषाढ २९ गतेदेखि गर्ने भएको छ । बैंकले २०६८ जेठ मा ३० करोड रुपैयाँ बराबरको तीन लाख कित्ता बण्ड जारी गरेको थियो ।

बण्ड बापतको ब्याज तथा साँवा बैंकको सेयर रजिष्ट्रार एनआईबिएल एस क्यापिटल तथा काठमाडौं बाहिरका चिप्लेढुङ्गा पोखरा, आदर्शनगर विरगंज ट्राफिकचोक बुटवल र गोल्छाचोक विराटनगर शाखा कार्यालयबाट प्राप्त गर्न सकिने बैंकले जानएको छ ।

भुक्तानी बुझ्न आउने ब्यक्तिले ऋणपत्रधनीको सक्कल प्रमाणपत्र, ब्याज भुक्तानी पूर्जा तथा नागरिकताको प्रतिलिपि अनिवार्य साथमा ल्याउनु पर्ने हुन्छ ।

साथै, ऋणपत्रधनी स्वयंम उपस्थित हुन नसकेको खण्डमा भुक्तानी बुझ्ने ब्यक्तिको साथमा ऋणपत्रधनी पत्र सक्कल, नागरिकताको प्रतिलिपिको साथमा मञ्जुरीनामा हुनु पर्ने छ र ऋणपत्र संघ संस्थाको नाममा भएको खण्डमा अख्तियार प्राप्त ब्यक्ति र परिचय खुल्ने परिचयपत्र साथमा ल्याउनु पर्ने हुन्छ ।

त्यसैगरी, सेयर अभौतिकरण गराउने धनीले डिम्याट खाताको विवरण, ब्याज भुक्तानी पुर्जा तथा नागरिकताको प्रतिलिपि अनिवार्य बुझाउनु पर्ने हुन्छ ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।