मौद्रिक नीतिको दिनमै बढ्न सकेन नेप्से

Jul 11, 2018 Merolagani

लगानीकर्ताको ब्यग्र प्रतिक्षामा रहेको मौद्रिक नीति प्रस्तुत भएको दिन बुधबार सेयर बजार परिसूचक नेप्से सामान्य घटेको छ । परिसूचक ०.२९ अंकले घटेर १२०५.६४ अंकमा अडिएको हो ।

बुधबार १७१ कम्पनीका १२ लाख ६७ हजार ५३१ कित्ता सेयर ४७ करोड ९५ लाख रुपैयाँमा खरिद बिक्री भएको छ । कारोबारमा आएका उप समूह मिश्रीत देखिएका छन् । होटल बैंकिङ्ग र उत्पादनमूलकको सूचक घटेको छ भने लघुवित्त, जलविद्युत र फाइनान्स, अन्य र बीमाका सूचक बढेका छन् ।

 

बुधबारको सेयर बजारमा सबैभन्दा धेरै प्राईम लाईफ इन्स्योरेन्सको संस्थापक समूहको सेयर १० करोड ७२ लाख रुपैयाँ बराबरमा खारिद बिक्री भएको छ । कम्पनीको तीन लाख ५७ हजार ४७६ कित्ता सेयर कारोबार भयो ।

नेपाल टेलिकमको चार करोड ७९ लाख रुपैयाँ तथा स्वरोजगार लघुवित्त, ग्रामिण विकास लघुवित्त, कृषि विकास बैंक र कुमारी बैंकको एक करोडको सेयर कारोबार भएकाे छ ।

एनएमबि माईक्रोफाइनान्सकोमा सर्किट लागेको छ । बुधबार माईक्रोफाईको सेयर १० प्रतिशतले बढेको छ । ग्लोबल आईएम, नागबेली, विजय, माहुली सामुदायिक लघुवित्तको सेयरमूल्य ४ प्रतिशतले बढेको छ ।

उता एभरेष्ट बैंकको कन्भटिभल सेयर, सोल्टी होटल र बरुण हाईड्रोपावर कम्पनीको सेयरमूल्य पाँच प्रतिशत बढीले घटेको छ ।

मौद्रिक नीतिमा पूँजी बजारलाई सपोर्ट गर्ने कस्ता किसिमका योजनाहरु आउला भन्ने जिज्ञासा आम लगानीकर्तामा रहेकोमा थियो । लगानीकर्ताहरुले अपेक्षा गरे अनुरुप नीति नआएपश्चात मौद्रिक नीति पूर्व १६ अंकले बढेको बजार सामान्य गिरावटमा टुङ्गिएको हो ।

comments powered by Disqus

माथिल्लो तामाकोशीको शेयर: आईपिओ भर्नेले जिते कि दोस्रो बजारका कारोबारीले ?

Jan 23, 2019

ठूलो संख्यामा सर्वसाधारणमा शेयर निष्काशन गरेको माथिल्लो तामाकोशी जलविद्युत आयोजना (UPPER) को शेयरमा आईपिओ भरेका धेरै लगानीकर्ता अहिले अलमलमा परेका छन्। दोस्रो बजारका कारोबारीहरुको नियन्त्रणमा केहि दिन कम्पनीको शेयर कारोबार हुँदा आईपिओका आवेदक भने अलमलमा परेका हुन् ।