नयाँ आर्थिक वर्षको पहिलो दिनदेखि नै बजेट कार्यान्वयन गर्न प्रमको निर्देशन

Jul 12, 2018 RSS

प्रधानमन्त्री केपी शर्मा ओलीले नयाँ आर्थिक वर्षको पहिलो दिनदेखि नै बजेटको पूर्ण र प्रभावकारी कार्यान्वयनका लागि मन्त्री र सचिवहरुलाई निर्देशन दिएका छन्।

प्रधानमन्त्री तथा मन्त्रिपरिषद्को कार्यालय, सिंहदरबारमा बुधबार भएको करीब छ घन्टा लामो छलफलमा प्रधानमन्त्री ओलीले आफ्नो मन्त्रालयका नीति, कार्यक्रम, योजना र बजेटको कार्यान्वयन गर्दा त्यसबाट प्राप्त हुने प्रतिफल तोकेर अघि बढ्न निर्देशन दिएका हुन ।

उनले समृद्धि, विकास, सुशासन र स्थिरताको जनताको चाहनालाई सम्बोधन गर्न सबै जिम्मेवार हुनुपर्नेमा जोड दिए ।

बजेट र कार्यक्रम कार्यान्वयनबारे प्रधानमन्त्री तथा मन्त्रिपरिषद्को कार्यालयले नियमित अनुगमनसमेत गर्ने भएकाले अल्पकालीन र दीर्घकालीन योजनाका साथ प्रभावकारी सेवा प्रवाहमा लाग्न प्रधानमन्त्री ओलीले निर्देशन दिएको हो । आउँदो साउन १ गतेदेखि नयाँ आर्थिक वर्ष शुरु हुन्छ ।

सञ्चार तथा सूचना प्रविधि मन्त्री गोकुलप्रसाद बाँस्कोटाले प्रधानमन्त्रीसमक्ष सचिवहरुले सरकारको वार्षिक र पञ्चवर्षीय योजनाबारे प्रस्तुतीकरण गरेको जानकारी दिए । छलफलमा २१ वटै मन्त्रालयका सचिवले मन्त्रालयगत कार्ययोजनाबारे प्रस्तुतीकरण गरेका थिए ।

comments powered by Disqus

सेयर बजारका ‘पपुलर’ कम्पनी चिन्नुहोस्, कुन दलालबाट भयो अधिक किनबेच ?

Sep 25, 2018

सेयर बजार निरन्तर उकालो लाग्ने क्रममा मंगलबार झण्डै सवा एक अर्ब रुपैयाँको सेयर कारोबार भएको छ । यस क्रममा नेपाल स्टक एक्सचेञ्जमा लगानीकर्ताले कारोबार रकम, कारोबार संख्या, सेयर मूल्य घटबढका आधारमा मात्र उत्कृष्ट कम्पनीहरुको विबरण हेर्न पाउँछन् । यहाँ हामीले खरिद बिक्रीका आधारमा ‘पपुलर बाई’ अनि ‘सेल’ भएका कम्पनीको विबरण पस्किएका छौं ।