लगानीकर्ताको अपेक्षा मौद्रिक नीतिले सम्बोधन नगर्दा खस्कियो सेयर बजार

Jul 12, 2018 Merolagani

सेयर बजार लगानीकर्ताको आशा गरेका माग राष्ट्र बैंकको मौद्रिक नीतिले सम्बोधन गर्न नसक्दा साताको अन्तिम दिनको सेयर कारोबारमा गिरावट आएको छ । असार मसान्त नजिकिएसँगै बैंकको कर्जा भुक्तानीका कारण घट्दाे बजारमा समेत बिक्री चाप बढेकाे जानकारहरु बताउँछन् ।

मौद्रिक नीति आएपछि सेयर बजारले गति लिन्छ भन्ने लगानीकर्ताको अनुमान बिहीबारको बजारले गलत सावित गरेको छ । बिहीबार सेयर बजार परिसूचक नेप्से १३.६६ अंकले घटेर ११९१.९८ अंकमा अडिएको छ ।

१.१३ प्रतिशतले झरेको बजारमा १६३ कम्पनीहरुको १६ लाख २० हजार ८८० कित्ता सेयर ४५ करोड ४४ लाख रुपैयाँमा खरिद बिक्री भएका छन् । बुधबारको तुलनामा कारोबार रकम समेत दुई करोडले घटेको छ ।

 

कारोबारमा आएका दश उपसमूहमा उत्पादन बाहेक बाँकी सबै समूहमा गिरावट आएको छ । उत्पादको सूचक २.८ अंकले बढ्दा बीमा समूहको सूचक सबै भन्दा धेरै १०७.५८ अंकले घटेको छ । माईक्रोफाइनान्स ३६.०६ अंक, होटल ३७.६५ अंक, विकास बैंक १८.८३ अंक, बैंकिङ्ग १०.३१ अंकले घटेका छन् । फाइनान्स, व्यापार र अन्य समूहको नेप्से सूचक सामान्य घटेको छ ।

बिहीबार लक्ष्मी बैंकको सबैभन्दा धेरै ६ करोड ५१ लाख रुपैयाँ बराबरको सेयर कारोबार भएको छ । कुमारी बैंक संस्थापक सेयर चार करोड ३६ लाख रुपैयाँको कारोबार हुँदा एनएमबि माईक्रोफाइनान्स, कुमारी बैंक, जनता बैंक संस्थापक र नेपाल लाईफको एक करोड बढीको सेयर खरिद बिक्री भएको छ ।

 

 

कञ्चन डेभलपमेण्ट बैकका सेयरधनीले ८.५१ प्रतिशले कमाएका छन् । सर्पोट माईक्रोफाइनान्स, नेपाल हाइड्रो डेभलपर र एनएमबि माइक्रोफाइनान्सको सेयरमूल्य ६ प्रतिशत बढीले बढेको छ ।

यता नागबेली लघुवित्तको सेयरमूल्य ६.७ प्रतिशतले घटेको छ । किसान माईक्रोफाइनान्स, राधि विधुत, विजय लघुवित्त, एनएलजी इन्स्योरेन्स, नेशनल माईक्रोफाइनान्स, एनसीसी बैंक, वोमी र मिर्मिरे माइक्रोफाइनान्सको सेयर मूल्य ५ प्रतिशत बढीले घटेको हो ।

comments powered by Disqus

हरेक नेपालीलार्इ शेयरधनी बनाउन ३५०० मेगावाटका आयोजना निर्माण गर्दै सरकार

Sep 25, 2018

सरकारले हरेक नेपाली नागरिकलाई जलविद्युत् आयोजनाको शेयरधनी बनाउने लक्ष्यका साथ तीन हजार ५०० मेगावाट क्षमताका जलविद्युत् आयोजना निर्माणको प्रक्रिया शुरु गर्ने भएको छ।‘नेपालको पानी, जनताको लगानी’ मूल नाराका साथ सबै नेपालीलाई लगानीकर्ता बनाउने र दीर्घकालीन रूपमा आर्थिक उपार्जनको माध्यम बनाउने लक्ष्यका साथ उक्त अवधारणा अगाडि सारिएको हो।