बैंकले गत जेठ ३० गतेदेखि एक करोड १४ लाख कित्ता एफपिओ निष्काशन गरेको थियो । असार २८ गते विहीबार आवेदन गर्ने अन्तिम दिनसम्म बैंकको सबै एफपिओ बिक्री भईसकेको बिक्री प्रबन्धक नागरिक लगानीकोषले जानकारी दिएकोृ छ ।
बैंकले गत मंगलबार मात्रै गत बर्षको कमाईबाट १५ प्रतिशत बोनस शेयर दिने घोषणा गरेको थियो । बैंकले बोनस घोषणा गरेपछिको अन्तिम दुई दिनको अवधिमा बैंकको एफपिओ खरिदका लागि ठुलो आवेदनहरुको परेको हो ।
जसमा सिद्धार्थ इक्वीटी फण्डले सबैभन्दा धेरै दुई लाख १० हजार कित्ताका लागि आवेदन गरेको छ । ग्लोबल आइएमई समुन्नत योजना एकले एक लाख ५० हजार कित्ता, सिद्धार्थ ओरेन्टल स्कीमले एक लाख २० हजार कित्ताका लागि आवेदन गरेका छन् । त्यस्तै सानीमा इक्वीटी, एशियन लाइफ लगायतका कम्पनीहरुले पनि एक लाख भन्दा बढी कित्ताका लागि आवेदन गरेका छन् ।
बिक्री प्रबन्धक नागरिक लगानी कोषका अनुसार बिहीबार अपरान्ह ५ बजेसम्ममा ७० हजार ६८३ आबेदकबाट एक करोड १७ लाख ५४ हजार कित्ता शेयरका लागि ३ अर्ब ९१ करोड ८२ लाख रुपैयाँको आवेदन परिसकेको नागरिक लगानीकोषका रोशन जंग कार्कीले जानकारी दिए ।
संस्थापक शेयरधनीहरुलाई आवेदन नखुल्ने
बैंकले एक करोड १४ लाख कित्ता एफपिओ निष्काशन गरेकोमा एक करोड १७ लाख ५४ हजार आवेदन परेकाले सबै बिक्री हुने निश्चित भएको छ । अब बैंकका संस्थापक शेयरधनीहरुलाई आवेदन नखुल्ने कार्कीले भने ।
कुल आवेदनमध्ये २ लाख ६२ हजार कित्ताको आवेदन भने रद्द हुने बिक्री प्रबन्धकले जनाएको छ ।
बैंकले प्रतिकित्ता २३३ प्रिमियम थपेर प्रतिकित्ता ३३३ रुपैयाँमा एफपीओ बिक्री निष्काशन गरेको थियो ।
विहीबार एनएमबि बैंकको शेयरबजारमा प्रतिकित्ता ३५४ रुपैयाँमा कारोबार भएको थियो ।
बैंकले संस्थापक र सर्वसाधारण सेयरधनीको सेयर स्वामित्व ५१ः४९ अनुपातमा ल्याउन एफपीओ निष्कासन गरेको हो ।
