बैंकले हकप्रदमा बिक्री नभएको ५ लाख १ हजार ९२१ कित्ता संस्थापक र ६ लाख ३२ हजार २८२ कित्ता साधारण शेयर असार २२ देखि लिलामीमा ल्याएको हाे।
इच्छुक लगानीकर्ताले न्यूनतम एक सय रुपैयाँ भन्दा बढी मूल्य राखेर संस्थापक शेयरका लागि कम्तिमा १ हजार कित्ता र साधारण शेयरका लागि कम्तिमा १ सय कित्ताको आवदेन दिनुपर्ने विक्री प्रबन्धक एनआर्इबिएल एस क्यापिटलले जनाएको छ ।
लगानीकर्ताहरुले लिलामी सेयरको विक्री प्रबन्धक एनआईबिएल एस क्यापिटल लाजिम्पाट, लालदरबार, र लगननखेल तथा कुमारी बैंक दरबारमार्ग, नेपालगञ्ज, सुर्खेत, धनगढी,बीरगञ्ज, विराटनगर बुटवल र पोखरा शाखाबाट असार २९ गतेसम्म शिलबन्दी बोलपत्र पेश गर्न सक्नेछन् ।
आवेदन गर्दा कुमारी बैंकमा रहेको एनआइबीएल एस क्यापिटलको खातामा रकम जम्मा गरेर शिलबन्दी बाेलपत्र बुझाउनु पर्नेछ ।
पछिल्लो कारोबार अनुसार बैंकको प्रतिकित्ता बजारमूल्य १९० रुपैयाँ रहेको छ ।
बैंकले गत बैशाख २८ गतेदेखि चुक्ता पूँजीको २० प्रतिशत अर्थात १ करोड १९ लाख ३८ हजार ९९१ कित्ता हकप्रद बिक्रीमा ल्याएको थियो । हकप्रद निष्काशनसँगै चुक्ता पूँजी ७ अर्ब १६ करोड रुपैयाँ पुगेको छ । राष्ट्र बैंकले तोकेको न्यूनतम आठ अर्ब चुक्ता पूँजी पुर्याउका लागि अपुग ८४ करोड बराबरको बोनस वितरण गरेर पुर्याउने योजना राष्ट्र बैंकमा पेश गरेको छ ।
चालु आर्थिक वर्षको तेस्रो त्रैमासमा कुमारी बैंकले ७० करोड ५६ लाख ७६ हजार रुपैयाँ खुद नाफा कमाएको छ । प्रतिसेयर आम्दानी १५ रुपैयाँ ७६ पैसा रहेको यस बैंकको प्रतिसेयर नेटवर्थ १४७ रुपैयाँ ११ पैसा छ ।