एनएमबिको एफपिओ साेमबार नै बाँडफाँड हुने,अधिकांशलार्इ मागेजति नै सेयर

Jul 16, 2018 Merolagani

एनएमबि बैंकले जेठ ३० देखि असार २८ गतेसम्म निष्काशन गरेको थप सार्वजनिक निष्काशन (एफपिओ) सोमबार नै बाँडफाँड हुने भएको छ । बैंकको सेयर विक्री प्रबन्धक नागरिक लगानी कोषले असार ३२ गते साेमबार साढे ४ बजे एफपिओ बाँडफाँड गरिने जनाएको छ ।

एनएमबि बैंकले २३३ रुपैयाँ प्रिमियम थपेर प्रतिकित्ता ३३३ रुपैयाँको दरले तीन अर्ब ८० करोड १२ लाख ४९ हजार २७९ रुपैयाँको एक करोड १४ लाख १५ हजार १६३ कित्ता एफपिओ बिक्री खुला गरेको थियाे।

प्रमाणिकरण भएको अन्तिम तथ्याङ्क अनुसार कूल निष्काशित एफपिओ हाराहारीमै (६५ हजार कित्ता मात्र बढी) आवेदन परेकाले अधिकांश लगानीकर्ताले माग अनुसार नै सेयर प्राप्त गर्ने भएका छन् । धेरै कित्ता आवेदन गर्ने केही आवेदकले भने समानुपातिक रुपमा केही थोरै कित्ता एफपिओ पाउनेछन् ।

ठूला संस्थापक लगानीकर्ता मध्ये सिद्धार्थ इक्वीटी फण्डले सबैभन्दा धेरै दुई लाख १० हजार कित्ताका लागि आवेदन गरेको छ । ग्लोबल आइएमई समुन्नत योजना एकले एक लाख ५० हजार कित्ता, सिद्धार्थ ओरेन्टल स्कीमले एक लाख २० हजार कित्ताका लागि आवेदन गरेका छन् । त्यस्तै सानीमा इक्वीटी, एशियन लाइफ लगायतका कम्पनीहरुले पनि एक लाख भन्दा बढी कित्ताका लागि आवेदन गरेका छन् । 

एफपिओका सेयरधनीले समेत बैंकले गत आर्थिक बर्षको नाफाबाट प्रस्ताव गरेको १५ प्रतिशत बोनस सेयर प्राप्त गर्नेछन् ।

एफपिओ पश्चात बैंकको चुक्ता पूँजी ७ अर्ब ६० करोड पुग्नेछ भने बोनसपश्चात ८ अर्ब ७४ करोड ३७ लाख कायम हुनेछ । एफपिअाेबाट बैंकले २ अर्ब ६५ करोड रुपैयाँ प्रिमियम जगेडा कोषमा सञ्चित गरेकाे छ ।

त्यस्तै संस्थापक र सर्वसाधारण सेयरधनीको सेयर स्वामित्व अनुपात क्रमश ५१ः४९ कायम हुनेछ

comments powered by Disqus

बलियो पूँजी आधार निमार्ण गरेको इन्भेष्टमेन्ट बैंकको उत्साहजनक प्रगति

Aug 14, 2018

पूँजी आधार निरन्तर बलियो बनाउँदै लगेको नेपाल ईन्भेष्टमेन्ट बैंक(NIB) ले गत आर्थिक बर्षको चौथो त्रैमासको उत्साहजनक प्रगति विवरण प्रस्तुत गरेको छ । १५ प्रतिशत बढीले चूक्ता पूँजी बढाएको बैंकले २६ प्रतिशत नाफा बढाएर प्रतिशेयर आम्दानी ३७ रुपैयाँ कायम गरेको छ ।