यस अघि सघंको उपाध्यक्ष रहेकी पोखरेल अध्यक्षमा चयन भएसँगै पूँजी बजार संघको नेतृत्व लिने पहिलो महिला समेत बनेकी छिन् ।
बैठकले उपाध्यक्षमा राजु पौडेल, महासचिवमा एसपी चौलागाईं, सचिवमा एनबी थापा र कोषाध्यक्षमा कल्पना शर्मालाई नियुक्त गरेको छ । यसैगरी सदस्यहरुमा आविस्कार घिमिरे र वाईपी दाहाललाई चयन गरिएको संघले जनाएको छ ।
संघ दर्तासँगै जारी गरिएको प्रेस बिज्ञप्तिमा अध्यक्ष सुबेदीले बहुमतमा रहेका पदाधिकारीहरुलाई बर्खास्त गरिएको भन्दै हिडेको र संघलाई आफु अनुकुल स्वेच्छाचारी भएर संचालन गरेको र संघ संगठनको मान मर्दन गरेको आरोप लगाईएको छ ।
संघमा नातावाद हाबी
बुधबार कम्पनी रजिष्ट्रारको कार्यालयमा १९३२२४ नम्बरमा दर्ता भएको नेपाल पूँजी बजार लगानीकर्ता संघकी अध्यक्ष राधा पोख्रेल शेयर लगानीकर्ता नबराज घिमिरेकी साली भएको र उनकै सल्लाहमा संघ दर्ता भएको बताइन्छ । सात सदस्यीय संचालक समितिमा चार जना लगानीकर्ता घिमिरेका साख्खै नातेदार भएको स्रोत बताउँछ ।
संघको महासचिव बनाईएका एसपी चौलागाई शेयर लगानीकर्ता नबराज घिमिरेको भान्जा हुन भने कोषाध्यक्ष राखिएका कल्पना शर्मा नबराज घिमिरेकी अर्की साली भएको बताईएको छ । सदस्यमा राखिएका आविश्कार घिमिरे नबराज घिमिरेका छोरा हुन् ।
नव गठित संघकी अध्यक्ष पोखरेलले नयाँ दर्ता भएको संघमा चार जना पुरानै र तीन जना नयाँ सदस्य रहेको भन्दै बजारमा अनावश्यक अफवाह फैलाईएको बताईन् । संघमा रहेका चार सदस्य घिमिरेको नाता पर्ने भने उनले स्वीकार गरिन् ।
यता बर्खास्त गरिएका सुवेदीले व्यक्तिगत स्वार्थ अनुकुल संगठन परिचालन गर्न खोजिएको आरोप लगाएका छन् । उनले आफु बर्खास्त नभई उनीहरुलाई आफुले बर्खास्त गरिसकेको दाबी समेत गरे । संघमा परिवार र नातावाद हाबी भएको उनको भनाई छ । नयाँ दर्ता भएको संघ समग्र लगानीकर्ताको भन्दा पनि आफ्नो स्वार्थ समूहमा लाग्ने झुण्ड भएको आरोप समेत उनले लगाए ।