संकलन नभएको लाभांशमध्ये तत्कालिन स्टाण्डर्ड फाइनान्सको आर्थिक वर्ष ०६१६२ को १९ हजार ९५० रुपैयाँ, माछापुच्छ्रे बैंकले आव २०६२६३ मा वितरण गरेको ३३ हजार २८० रुपैयाँ र आव ०६६ ६७ मा स्टाण्डर्ड फाइनान्सले वितरण गरेको दुई लाख ९० हजार ७४३ रुपैयाँ रहेको छ ।
तपाईले पनि बैंकले वितरण गरेको लाभांश संकलन गर्नुभएको छैन भने ३० दिनभित्र माछापुच्छ्रे बैंकको सेयर विभाग पुतलिसडकमा सम्पर्क गरेर लिन सक्नुहुनेछ । एक महिनाभित्र संकलन नगरेमा प्रचलित कानून अनुसार लगानीकर्ता संरक्षण कोषमा जम्मा हुने बैंकले जनाएको छ ।
विभिन्न आर्थिक बर्षमा बाँडेको लाभांश रकम सेयरधनीले समयमा नै संकलन नगर्दा यसरी धेरै सेयरधनीको लाभांश बैंकहरुमा त्यत्तिकै थन्किने गरेको छ । अन्य धेरै बैंकहरुको अवस्था पनि उस्तै छ ।
स सानो रकम भएको कारण सेयरधनी संकलन गर्न नजाँदा तथा मोफसलमा रहेका सेयरधनीको लाभांश संकलन गर्न नसक्दा यसरी थन्किने गरेको छ ।
अहिले भने धितोपत्र बोर्डले लगानीकर्ताहरुको हितग्राही खातामा नै अभौतिक रुपमा सेयर र हितग्राही खातामा अद्यावधिक गरेको लगानीकर्ताको बैंक खातामा सिधै लाभांश वितरण गर्न निर्देशन दिएकाले आगामी दिनमा यसरी लाभांश नथुप्रने अनुमान गर्न सकिन्छ ।
