चुक्ता पूँजी १४ करोड रुपैयाँ रहेको लघुवित्तको प्रतिसेयर आम्दानी आठ रुपैयाँ १६ पैसा कायम भएको छ । कम्पनीले ५४ लाख ४७ हजार रुपैयाँ जगेडा कोषमा सञ्चित गरेको छ ।
समीक्षा अवधिमा २५ करोड ७ लाख रुपैयाँ निक्षेप संकलन गरेको छ । अघिल्लो बर्षको यसै अवधिको तुलनामा कम्पनीले दुई करोड ७४ लाख निक्षेप संकलन गरेको थियो ।
साथै लघुवित्तले अघिल्लो बर्ष १५ करोड ७ लाख रुपैयाँ रहेको कर्जा परिचालन रकम बढाएर ८१ करोड ६४ लाख रुपैयाँ लगानी गरेको छ ।
चौथो त्रैमासमा लघुवित्तले तीन करोड ३८ लाख रुपैयाँ खुद ब्याज आम्दानी गरेको छ । यो अघिल्लो बर्षको तुलनामा दुई करोड ८८ लाख रुपैयाँ बढी हो ।
गैडाकोट नवलपरासीमा मुख्य कार्यालय रहेको लघुवित्तको निक्षेप लागत ११.०३ प्रतिशत, पूँजी कोष अनुपात १७.४४ प्रतिशत र निष्कृय कर्जा ०.०९ प्रतिशत रहेको छ ।
